Pengetan

PENGETAN

PEPENGET ING LAKU 

Ngolah doyo njero ugo doyo njobo

klawan meneng ngumpulno doyo

sangsoyo gede sangsoyo ketoro

mundhaking doyo agawe santoso

NGOLAH AMBEGAN

Nalikane ngolah napas, iku tumujune angen2 ; pangecap pandulu pangrungu pangambu ; hiyo ng udarae, ng udaea sg diserot dadi bayu ing njero rogo, njur dibuwang metu...iku titik fokuse ng UDARAE...

dene sg latian olah nps jogo rogo ; hiyo nuju howo sg lumebu metu ing rogoe ; pamusatane, ws ora nggatekno udara lan liyo2ne, amung nuju howoe ; soyo suwe sangsoyo cetho ; kroso, ngrasakno lumebu metune howo ng rogoe ; iku arane ROSO ; sg dgae ngrasakno ; lha roso iku sapirang pirang jenis, kebagi ; sg kasar/gmpng diroso..sg alus/kurang gmpng..sg luwih alus/luwih ora gmpng...iku kbeh mung ayang2 sg kumambang, hiyo wewayange roso kang sejati.

ora gae roso yo ora biso ngrasakno ; ateges hampa..ono udara melbu ra kroso, ono adem panas ra kroso, mulo dsebut hampa...

MANEKUNG

Nalikane ngolah unsur2 sanjeroning rogo y ngunu...kabeh diempakno dipusatno ng unsur sg dadi sejoe...poncodriyoe y nuju ng unsur sg diolah...dene ambegane ora perlu ditoto, supoyo manut ambegane panekungan...yen ora ngunu artine ora manekung tp ngolah ambegan...mergo isih fokus mrunu..

diarahno nganggo ciptoe nganti ngrasakno unsur sg sejo diolah... dadi ora mung kiro kiro, nanging kudu weruh, yo weruh ing mundhaking doyo sg diolah...

-PEPINDHAN-

Arep nyambung weruh rerupan y ngenggo pandulu, arep weruh sworo y nganggo pangrungu.......isp

samono ugo arep weruh sukmo y nganggo ciptoe, arep weruh badan y nganggo aura.prana, arep weruh nyowo y nganggo rahso.karso....... weruh rerupan : ngrasakno nganggo pandulu, weruh sworo : ngrasakno nganggo pangrungu....iku arane laras runuting jagad..

.Ngrasakno iku ; ngempakno roso/nggunakno roso, endi roso sg dirasakno ; yoiku sing digawe nggelar.

TOPOBROTO

Nalikane nyerot doyoe bawono y ngunu, nganti kroso cetho melbu metune... .iku aran sadar, yen ora mangkono ateges tanpo sadar...yen manekung nganggo cipto, yen topo nganggo karso... dadi kabeh kabeh ditujuno marang doyo sg diserot...njur ambegane manut ambegane topo, ora topo manut ambegan, topoe y nuju marang doyo sing diserot...

SEMEDI

Nalikane menengno rogo ; ateges ngleremno poncodriyo

iku y nujune ng lereme, ora ng pengaturan ambegane...

banjur menengno cipto.riptoe ; ateges maheningno cipto

iku nujue ng kaheningan ora ng ambegane

dadi yen menengno rogo, ambegane manut dadi ambegane meneng..

yen ngeningno cipto ; ambegane manut dadi ambegane kaheningan...ora sewalike..

banjur wening ; nglerem rahso...sg tinuju y ng rahsoe nganti biso lerem, 

ambegane manut dadi ambegane kaweningan..

katelune mw nunggale kaaran ; meneng ing neng temanan..yoiku sg disebut semedi...

ngupadi undhaking jiwo, tumuju urip kang sejati...

dadi yen kerep semedi ; jiwoe sangsoyo alus... luwih alus...nganti tekan alusing alus ; 

yoiku jiwo bongso pengeran.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

JANGKEPE INGKANG ARAN LEREM

:::::::::

Wening kang cetho welo welo

padhang tanpo alinge ngrahono

sumebyar laras nyantosani rogo

meneb reregeting dadi sirno

KAWENINGAN

Menengno rogo, Ngeningno cipto banjur Ngenebno rahso

rosoe rahso hiyo rosoning kekarepan

awit sing gede cilik, tipis kandhel, alus kasar

kapilah pilah lan kaenebake

menebing rahso yoiku tegese wening

weninge rahso anggelar jejagade, yoiku

wang wung kang tanpo wates kang ngemot sekabehe kaweruh

pepindhane wus ora koyo katindihan gunung maneh

ananging gumrigah wus amindah gunung kang ngaling ngalingi

cetho padhang yoiku kang aran wus pramono..

Wening iku bening, hiyo nalikane rahsoe biso meneb

dene menebe rahso iku sing dadi jalaran gumrigahe budhi

lan dadi pambuka plawangan alusing roso pangroso 

dadi sebab kandhele roso kamanungsan kang sejati

uga kang mahanani salin rupoe kabeh jiwo

Saben ono rahso iku mesti bareng onoe roso

Mung onoe roso iku ora mesti bareng karo onoe rahso

Rahso iku ALUSING KEKAREPAN

sing kasar sing alus sing apik sing olo hiyo kaenebke

gething dhemen, bungah susah, wani wedi

iku enem bongkoting rahso

dene koyo nesu muring manglah sengit was sumelang getir kuwatir isp...

iku kabeh mung pang pang ateges ; anak.ane bongkoting rahso

hiyo sangsoyo suwe sangsoyo mati menowo kerep meneb rahsone

BUDHI

Awit cipto lan angen2 iku hiyo pamikir

samono ugo budhi hiyo pamikir

yen bongso janaloka ndunungi angen angen

bongso kaendran ndunungi cipto

bongso kadewatan ndunungi budhi

awit budhi utomo, budhi jatmiko, budhi rahayu.....isp 

sing kabehe iku cacahe ono pitu geneb wolu

Ono budhi kaweruh ; yoiku bongkoting budhi

sing mung ono ing kaweningan

Utek yoiku pucuke budhi

nalikane durung biso migunakno pucuke budhi

iku lirkadiyo wong sing isih ketindihan gunung

hiyo gedhene rahso sing kaumpamakno gunung

nalikane wus biso migunakno pucuke budhi

kaaran wus tangi budhine, kaumpakano koyo wong kalingan gunung

mulane yo isih kagubet ing pepethenge bebingung

menowo kerep angenebno rahsoe, sangsoyo cetho sangsoyo padhang

ateges wus amindah gunung kang ngaling ngalingi

angen2e padhang, jembar, landhep panggraitone

samubarang prakara iku isih kalilingan/katutupan hiyo durung cetho

mulane enebno rahsomu...

GEGAMBUHAN

Weninge rahso iku alusing rahso, dene alusing rahso iku wes mesti bareng karo luwih alusing roso

ateges dumunung ing roso kang luwih alus (roso kasar-roso alus-roso luwih alus-roso alusing alus)

Wus ora loro rogone hiyo wus tanpo pegel rogone

Wus tanpo susah, amung ono kanirwanan

Enteng tan ono abot sarwo gampang panggraitone

Angen angen kang wus padhang, jalaran soroting budhi

Mulo ora rekoso amikir babagan sing gedene dikoyoopo byar ambyar

SUNYOE WENING RURI ING SEPI

Hiyo alusing alus iku kang aran roso sejati, kang tunggal anane tetep ing murnie kaaran ; sangkalpa

nalikane bongkoting budhi biso nunggal klawan sangkalpa, iku kaaran : wus 'tatas ing budhi'

awit tekan ingkang sejati, anggelar kahanan kang sejati, yoiku kajaten..

kang wus tanpo kantha tanpo kanthi

mulo kasebut trah kusumo rembesing madu tedhaking andono warih

wus tan luwe tan turu, mangan turuo amung sarat bae

teguh yuwono kalis ing sambekolo nir sambekolo

Menengno rogo Ngeningno cipto Ngenebno rahso

Meneng ing Neng temenan ; yoiku kang aran semedhi

PEPENGET

Janaloka iku ginelar dening angen2 klawan poncodriyo

Endraloka iku ginelar dening cipto klawan astendriyo

Guruloka iku ginelar dening budhi klawan roso luwih alus

Kajaten iku ginelar dening nunggale budhi klawan rosojati

Dhiri2 arcopodo iku angen2e luwih kandhel tinimbang ciptoe

Dhiri2 kaendran iku ciptone luwih kandhel tinimbang angen2e

Dhiri2 kadewatan iku budhine luwih kandhel tinimbang ciptone

Bongso janaloka yo duwe budhi cipto mung angen2e luwih kandhel

bongso endraloka iku y duwe budhi angen2 mung ciptone luwih kandhel

bongso guruloka yo duwe cipto angen2 mung budhine luwih kandhel

sg ndunungi janaloka iku y biso wikan ing kaheningan mung ora akeh

sg ndunungi endraloka iku yo biso wikan marang kaweningan mung ora jangkep

kabeh2 y gumantung ing praupan jiwoe

ono sg ora salin babarblas, ono sg arepe salin, ono sg wus salin

ono sg saline tambah kasar lan ono sg saline tmbh alus

Pengetan : alus kasar iki mung kahanane bae..kanggo mbedakno blegere..

koyo dene mungguhe rogo sukmo iku alus, mungguhe sukmo badan nyowo y luwih alus.....

Yen wong janaloka kerep ngempakno roso kasar

wong endraloka kerep ngempakno roso alus

wong guruloka kerep ngempakno roso luwih alus

Yen menenge rogo ambuka alusing poncodriyo

ngeningno cipto ambuka murnie sukmo

ngenebno rahso ambuka plawangane rosojati

kabeh mau ateges jalaran pambuka ing semedhi...

bab.tuntas.babagan.tegese ingkang aran lerem.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Kadewatan ( Guruloka )

GURULOKO

KADEWATAN

Hyang hong wila heng

Awigna budiwa nowo songo

Sang dewo sang hyang sang buddo

Gusti tetep ingkang moho suci

Guruloka gelar jejagating bongso kadewatan

Tegese guru iku guruning jagad

Pamomong jagad penggelar nirwono

Kaswargan kanerakan wus lebur ora ono

Bungah klawan susah wus nunggal lebur

Salin kahanan kaganti sarwo seneng

Jalmo guruloka hiyo wong wong kadewatan

Yoiku.

bongso dewo bongso hyang bongso buddo bongso gusti

Bongso dewo

Yoiku diri diri kang wus dunungi kabecikan

Dene wong becik iku dudu wong sing karep becik

Tegese wong karep becik iku isih nuju dadi wong becik

Amargo isih durung ngenggoni kabecikan

Jiwone isih durung salin luwih alus

Mulo dirine isih demen marang becik

Isih gething utowo ngemohi olo

Wong ingkang nuju marang becik iku

Mung ngenggoni becik ing karep

Dirine isih durung salin dadi diri ingkang becik

Hiyo durung dunungi bongso dewo

Koyo dene meneng, durung meneng temenan

Amargo jiwoe isih durung salin rupo

Bongso dewo iku bedo klawan bongso hyang

Bongso hyang

Yoiku diri diri kang wus dunungi kawicaksanan

Wus dadi wong ingkang wicaksono

Iku dudu wong sing karep wicaksono

Dudu wong sing lagi nuju kawicaksanan

Dene wong karep wicaksono iku isih ngudi kawicaksanan

Mulane isih gething ora adil lan dhemen adil

lan sewalike

Ugo isih dhemen marang kawicaksanan

Kaaran durung ngenggoni wicaksono

Amargo jiwone isih durung salin rupo

Hiyo ora ndunungi bongso hyang

Bongso hyang iku bedo klawan bongso buddo

Bongso buddo

Yoiku diri diri kang wus dumunung ing pangastuti

Ateges wus dadi wong kang welas asih

Dudu wong kang lagi nuju marang welas asih

Yo dudu wong kang karep welas asih

Dene sing karep utowo tumuju welas asih

Iku isih pamrih marang dirine

Isih dhemen welas asih

Ugo isih misah welas klawan asih

Amargo jiwone si diri isih durung salin rupo

Hiyo durung ngenggoni bongso buddo

PEPENGET

Wong bongso dewo iku dirine luwih alus tinimbang bongso bethoro

Dirine bongso dewo sandangn jiwo kabecikan

Ateges rosone kabecikan dadi pancering dirine

Wong bongso hyang iku dirine luwih alus tinimbang bongso dewo

Awit dirine bongso hyang sandangn jiwo kawicaksanan

Ateges pancering roso uripe iku arupo wicaksono

Yoiku diri diri ingkang wicaksono

Wong bongso buddo iku dirine luwih alus tinimbang bongso hyang

Yoiku diri kang wus sandangan jiwo pangastuti

Ateges sing dadi pancering roso uripe iku welas asih

Dene wicaksonoe ugo kabecikane iku mung ubo rampe (ancer ancer)

Dene kabeh wong guruloka/kadewatan iku anggelar nirwono

Bongso gusti

Gusti iku dudu dewo hyang ugo buddo

Gusti iku ingkang moho suci

Gusti iku mung siji

Dene buddo iku akeh… sang buddo amung siji

Hyang iku yo akeh…. nanging sang hyang iku siji

Dewo hiyo akeh…. nanging sang dewo iku mung siji

Mulane ono aku ono sang aku

TUMITIS

Nitis tumitis manitis titisan katitisan

Awit sing biso manitis iku jalmo kadewatan

Hiyo wong wong guruloka

Yoiku jalmo ingkang dumadi

Ingkang nggelar rogo

Temurun laer ing arcopodo

Hiyo iku dumadi sing kaaran titisan

Titisan iku dudu rengkarnasi hiyo dudu katitisan

GUMELARING GURULOKA

Kabeh uwong iku biso ndunungi bongso kadewatan

Hiyo biso dunung ing kaendran

Dadi salugune bongso kadewatan kaendran nalikane njalmo

Gumantung ing praupan jiwoe ing salin lan orane

Kabeh urip bongso kaendran rosoe iku roso alus 

Dasare roso alus iku bungah susah dhemen gething wedi wani (swargo/naroko)

Kabeh urip bongso kadewatan iku rosoe luwih alus

Dasare roso luwih alus iku seneng tresno tatag (nirwono)

Ora amargo ngujo ora amargo nyembah bongso kadewatan

Uwong biso dadi bongso kadewatan

Ora amargo lelakon becike…uwong ngenggoni jiwo ingkang luwih alus

Bisane hiyo mung naliko jiwo salin rupo amargo kerep semedi

Ora ono bongso kadewatan iku duwe pengikut

Pomo duweni pengikut….si pengikut mesti ora ning guruloka

Ateges ora biso manjing dumunung ing kadewatan

Amargo gelar gumelar uripe wus ora podo

Ateges ora ono sesambungane

Dene ing arcopodo kabeh urip sandangn rogo

Kanggone sing podo podo makartino poncodriyo

Mesti bae biso srawungan seksen sineksenan

Amargo gelar gumelar jagate podo

Sing ngalami podo iku rogoe dudu jiwoe

Poncodriyoe dudu roso pangrosoe

Dene gelar gumelar jiwoe wong arcopodo iku ora mesti podo

Mulane ono sing dhemen iki ono sing ora

Ono sing gething iku ono sing dhemen iku

Susah bungahe yo bedo sangkane

Adem tentreme yo ora podo, yen podo amesti sambung (salaras)

Dadi mung podo podo anggelar arcopodo : rogoe

Ateges podo podo ngalamine (seksen sineksenan)

PENGETAN

Kaswargan lan kanerakan iku ono ing endi endio papan lan mongso

Amargo kekarone iku digowo digembol manungso mrono mrene

Sing nggelar jagad iku urip

Dene urip ora digelar jagad

Anane jagad iku soko anane urip

Dudu anane urip soko anane jagad

Bangsane sato dadi bangsane manungso

Bangsane manungso dadi bangsane sato

Bongso kadewatan dadi bongso manungso

Bongso manungso dadi bongso kadewatan kaendran kajaten

Wong kaendran ora weruh marang kadewatan kejobo mung satitik (ora akeh weruhe)

Wong kadewatan ora weruh ing kajaten, kejobo mung satitik

Mung wong kajaten bae sing biso weruh kahanan jati

Olehe weruh klawan jangkep (wutuh)

Tegese wong kadewatan iku jalmo urip ing guruloka

Tegese wong bongso kadewatan iku dumadi sing jiwoe ngenggoni jiwo2 bongso guruloka

Dadi wong bongso kadewatan iku dumadi pawakan wong kadewatan

Jalmo iku urip bebadan jiwo

Dumadi iku urip bebadan rogo

Setitah iku urip bebadan sukmo

Ning arcopodo ono swargo naroko (mangan enak turu ora penak)

Ning kaendran ono swargo naroko (bungah susah)

Ning guruloka iku ws ora ono swargo naroko

Ateges wus tanpo susah 

Dadi kabeh urip ing guruloka iku wus tanpo susah (nirwono)

Dene tanpo susah iku ono rong macem

Ono tanpo susah (peteng) ono tanpo susah (padhang)

Bongso kadewatan iku rahsoe luwih alus

Bongso kaendran iku rahsoe alus

Bongso kadewatan jiwoe iku luwih alus

Bongso kaendran jiwoe iku alus

Bongso kadewatan rosoe luwih alus

Bongso kaendran rosoe alus

Bongso kadewatan ndunungi budhi

Bongso kaendran ndunungi cipto

Dene wong janaloka iku ndunungi angen angen

Jiwo roso rahsoe isih kasar

Tegese alus iku padhang

Tegese kasar iku petheng

Sing padhang hiyo cetho sing petheng iku ora cetho

Kaaran samar iku amargo ono ing antarane padhang lan petheng.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

JANGKEPE LAKUNE WONG JOWO

HASTO BROTO

Mulat laku anggentur anarik doyo

Soko njobo katarik dening karso

Badane kang anarik nyowoe kang ngrasakno

Hiyo rahso, rahsoning nyowo

Lumebu lumantar howo, kataman ing rogo

Sesepan doyoning bawono nyelaras ing njerone rogo

Yoiku kang sinebut topobroto

Doyo bawono kang rupo wolung perkoro

Bumi-gunung-samudro-angin

Suryo-lintang-mbulan-angkoso

PERTELANING HASTOBROTO

Topobrotoning bumi

bumi teles bumi garing katarik doyone

Topobrotoning gunung

gunung urip gunung mati kaserot doyone

Topobrotoning samudro

samudro butheg samudro bening kaserot doyone

Topobrotoning angin

angin pelan angin banter kaserot doyone

Topobrotoning suryo

panas uruping suryo kaserot doyone

Topobrotoning lintang

lintang panjer rino panjer wengi ingkang kumelip kaserot doyo getare

Topobrotoning mbulan

adem uruping mbulan kaserot doyone

Topobrotoning angkoso

awang uwung kang tanpo wates katarik doyone

Hastobroto iku wolung macem jinise topo, dudu mlajari watek/sifat isen isene bawono

hastobroto iku kaweruh wengkuning ratu

dene manungso iku dudu gunung dudu angin yo ora biso dikoyo gunung lan angin

manungso hiyo dudu mbulan lan lintang yo ora biso dikoyo mbulan ugo lintang

PATRAPING TOPOBROTO

.Klawan menege rogo nganggo lungguh silo

.Makartine angen angen lan ciptoe dienggo fokuse marang karso

Karso iku ono ing mburine karep, kaaran kehendak

Hiyo kehendak anyerot doyoning bawono

.Panyeroting mau biso nganggo :

-ujung ujung jari

-epek epek tangan

-awak sakujur (pori pori kulit)

-ugo biso liwat mripat loro

.Panyeroting doyo mau kudu biso karasakake lumebune..hiyo iku rahsone….

kanggone sing ws laku ambegan jogorogo mestine y wis biso ngrasakno howo

dadi doyo sg melbu mau lumantar lumebune howo kang sinerot dening badan..

.Awite nggathuk nggathukno (nyelarasno)

.Banjur njumbuhno (proses panyerote)

.Wekasan ; manunggal (nglumpuk’e doyo kang sinerot ing njerone rogo)

TOPO BUMI

-bumi teles (bumi sing lemahe ora tau garing ; kyo bumi njeroning alas)

-bumi garing (hiyo bumi sing ora iso teles ; lamun teles mesti garing maneh)

Bumi teles luwih subur tinimbang bumi garing

TOPO GUNUNG

-gunung urip (gunung sing isih nyimpen magma ; drung entek magmae)

-gunung mati (gunung sing wus ora iso mbeldos ; magmae ws entek)

Gunung mati luwih subur tinimbang gunung urip

TOPO SAMUDRO

-samudro butheg (segoro sing banyune ora biso bening ; luwih cethek)

-samudro bening (segoro sing banyune ora biso butheg ; luwih jero)

Samudro bening luwih akeh panguripane tinimbang segoro butheg

TOPO ANGIN

-angin pelan (cilik ; ora banter lumakune)

-angin banter (gedhe ; banter lumakune)

Angin cilik ora biso dadi gedhe nanging angin gedhe biso dadi cilik

Angin gedhe iku kaaran maruto (badai ; yoiku udara sing katut ubengane bawono)

Angin cilik luwih adem tinimbang angin gedhe

*PENGETAN*

Wong topo iku meneng tanpo ngobahno rogo, yen sengojo ngobahno rogoe dibaleni maneh panyerotane

Parane topo iku ing kadigdayan (digdoyo)

dumunung ing wengku (ateges yo kuoso yo nguwasai yo biso ngemong)

mulane disebut wong sekti tanpo aji aji

digdoyo tanpo pusoko lan biso nggawe montro

Kabeh kabeh doyo kang sinerot iku tumuju ing ngurupno urip

yoiku ; nguwatno doyoning urip

Mulo sopo bae sing wus nguwasai hastobroto hiyo biso mengku angratoni jagad

amargo rogo iku duweni doyone bawono mulane hiyo biso sesambungan klawan isen isening bawono

SAMBUNGE HASTOBROTO

*

TOPO SURYO

Hiyo anyerot doyo panasing srengenge ing wayah isuk lan sore

ateges naliko sunari srengenge durung mencorong putih

awit srengenge isuk ; abang.. abang semu kuning.. kuning mencorong

srengenge sore ; kuning mencorong.. kuning semu abang…

TOPO LINTANG

Hiyo panyeroting doyone lintang

-lintang panjer rino (katone ing wayah padhange srengenge)

-lintang panjer surup (katone ing wayah surupe srengenge)

-lintang panjer wengi (mung katon ing wayah bengi)

-lintang blelek (lintang sing katon semu abang)

-lintang gubug penceng (lintang sing petane kyo gubung amung penceng)

-lintang ingkang kumelip (lintang sing kumelip ; jarake luwih adoh soko bawono)

kabeh lintang iku ngemu doyo getar (getaran) ; dudu adem dudu panas

TOPO MBULAN

Padhang ademe mbulan ing tanggal 12.13.14.15

ing wanci purnomo anyerot doyoning mbulan

TOPO ANGKOSO

Hiyo iku doyoning awang uwung hampa kang tanpo wates

doyoning petheng kang tanpo wekasan

meneng ing wayah bengi ing tengah latar katon langit

-bisane anyerot doyoning angkoso iku nalikane wus biso nyerot doyoning suryo condro kartiko.

PEPENGET

Yen manekung dumunung ing wisesoning rogo

topobroto ndunungi wengkuning ratu

Yen manekung iku makartino ciptoe

topobroto makartino karsoe

Bumi iku dudu lemah ; mung saben bumi ono lemahe

samono ugo gunung iku dudu bumi mulo doyone bedo bedo

Samudro iku dudu banyu ; mung saben samudro ono banyune

Angin iku dudu udara ; mung saknjerone angin ono udarae

Srengenge iku dudu geni ; mung saknjerone srengenge ono genie

Mulane manekung klawan topo iku bedo ing parane

amargo sangkane wus ora podho..

Yen manekung iku ngolah doyo saknjerone rogo

topobroto ngolah doyo saknjabane rogo

kekarone podo podo nglumpukno doyo..podo podo tunuju mundhaking doyo

podho podho klawan meneng patrape

Topo iku trmasuk panunggalan ; hiyo nunggal klawan isen isening bawono (nunggale nunggal pisah)

dene topo iku ora kawates ing wolung perkoro : kyo topo uwit, topo udan…..isp

PANYEROTAN :

Gathuk-jumbuh-nunggal

(nyelaras-nyerot-maligi)

WEKASANING WEDARAN

Dadi lakune wong jowo iku ;

-ngrowot ngalong

-ngebleng patigeni

-nginang mutih

-manekung topobroto

-semedi

Dene semedi iku : meneng ing neng temenan (bener bener meneng ; mahening suci) kaaran ; lerem

-menengno rogo

-ngeningno cipto

-ngenebno rahso

(gamblange wus ono ning wedaran : ingkang aran lerem)

Jangkep wutuh hiyo maligi ing santosa

Jejeg ajeg jumeneng wiseso maseso

Mengku tan kawengku

Linuwih mumpuni dadine

Sukmo kang wiseso

Badan kang mengku

Jiwo kang salin rupo

Dadi tetep ing santosa lan sampurnaning rogo

Tanpo dungo tanpo pusoko hiyo digdoyo

Klawan laku spirituale wong jowo.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

:::::::::::::::::::::

SAMBUNGE LAKUNE WONG JOWO

----------

MANEKUNG

Ngolah doyo ing saknjeroning rogo

Ngolah unsure bawono ing njerone rogo

Lemah banyu udara geni

Petheng adem padhang panas

Menenge rogo kagowo angolah doyo

Klawan cipto makartining sukmo

Yoiku manekung kang ateges nggembleng

Hiyo musatno cipto ing sawijine unsuring rogo

Manekung iku pepdhane meditasi

Cokroning banyu mubeng ing njerone rogo

Cokroning angin mubeng ing njerone rogo

Wiwit manekung ing lemah 

Manekung ing banyu

Manekung ing udara

Manekung ing geni

Doyo petheng sesambungane unsur lemah

Doyo padhang sesambungane unsur udara

Doyo adem sesambungane unsur banyu

Doyo panas sesambungane unsur geni

PANEKUNGAN

Manekung iku sangkane kawisesan

Ateges panguwasaan

Yoiku anguwasai rogone dewe

Awit nguwasai unsur lemah nganti unsur genie rogo

WADAG NJOBO

Wulu..kulit..getih..otot..daging..balung..sum sum

WADAG NJERO

Ginjel..lambung..usus..ati..limpah..jantung..paru paru

WADAG ALUS

Jinem..sanu..puat..otot alus..nadi..jiling..damarmoyo..utek..pramono jati..isp

Wadag tetelu iku kaaran awak kasar (rogo)

Sing alus sing njero sing njobo gandheng sesambungan (nunggal pisah)

Unsur lemah banyu udara geni ugo doyo panas adem padhang petheng yo nunggal pisah

Nunggal pisahe kabeh mau kaaran jumenenge rogo

PATRAPING MANEKUNG

Lungguh silo 

Meneng ora obah awake

Ambegane biasa (ora ditahan ora dibanterno)

Musatno cipto marang rogoe

Diarahno ing unsur lemah wiwitane

Yoiku ; kulit otot daging ginjel lambung usus ati limpah jantung paru paru

Unsur lemah iku minongko pambuntel (wadah)

Kawengku dening pratiwi (pambuntel wutuhe rogo)

Dadi pratiwi iku pancere unsur lemah

Manekung ing banyu

Saknjerone kulit otot ginjel limpah ati usus jantung lambung

Rupane abang ireng yoiku getih

Rupane putih yoiku sumsum nanah

Rupane bening yoiku kama

Ono maneh banyune kamanungsan iku sing dadi panglengkete kabeh pirantining rogo

ora keno diowahi yo ora ngowahi

Ora ngrusak ora keno rinusak

Dumununge ora ing njobo ugo ora ing njero

Yoiku sing dadi lantarane roso asmorojati

Unsur banyu pancere ono ing lambung (segoro bebanyu)

Ubengan cokro banyu pencere ning jantung

Manekung ing udara

Awit balung ugo sum sum (udara doyo adem petheng)

Udara iku meneng, obahe kaaran angin

Udara ngebeki kabeh pirantining rogo

Ateges kabeh wadag ono udarae nganti ing banyu yo ono udarae

Dene pancere udara ono ing wadag alus

Pancer cokro ubengane ono ing paru paru

Manekung ing geni

Geni iku dudu panas tapi geni mowo panas

Yoiku pramono jati sing ono ing tengahe telenge dodo

Iku pancering geni saknjerone rogo

Dene cokro banyu ugo cokro udara ugo biso nganakake geni

PEPENGET

Arepo manekung ing geni disek utowo udara disek gak ono bedane

Mung urutan lapisane iku lemah banyu udara geni

Nalikane manekung wiwite yo nggathuk nggathukno 

Ngolahe iku nalikane ws sambung pamusate ciptane

Nganti tekan ing nguwasai

Dene patang unsur mau kawengku dening howo

Howo iku dumunung ing saknjerone udara (alusing udara)

Patang doyo kawengku dening gether

Dene gether pancering ono ing jiling (kekandhangane roso)

Dene howo amratani ing sajeroning wadag kabeh

Ono topobrotoning angin

Ono manekung ing udara

Ono topobrotoning bumi

Ono manekung ing lemah

Ono topobrotoning samudro

Ono manekung ing banyu

Ono topobrotoning suryo

Ono manekung ing geni

Nalikane biso manekung ing nunggale patang unsur mau

Kaaran semedi tunggal (musatno langsung patang unsur)

Dene unsur saknjerone rogo iku ora mung papat

Ono akeh sakpirang pirang, nanging intine amung papat

Samono ugo doyoe yo ora amung papat, ono akeh nanging intine mung papat

Mergo ono lemah ketemu banyu

Banyu ketemu padhang

Padhang ketemu udara

Udara ketemu geni lan sakteruse………..

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

_____________________________

LAKUNE WONG JOWO

MEMAYU HAYUNING BAWONO

Poso iku cegah dahar cegah ngombe

Karepe ngemposno roso

Sejatine olehe nyegah ngunuiku mung ngemposno rahso (karep)

Amargo rogone soyo ringkih

Nalikane ws suwe ora mangan

Tetep bae rosoning ilat ora kempes

Ugo roso roso liyane tetep rosa makarti

Ingkang mangkono iku nuduhno lupute

Luput soko sangkane : karep ngemposno roso

Parane nuju tangine roso

Ora ono ngemposno roso sakliyane nganggo meneng.

Rogo iku bawono niro

bawono sing ono ing njero

hiyo bawono sing meh ora ono bedane karo bawono njobo

rogo kae ngemot sapirang pirang doyo soko bawono njobo

awit doyo alus kasar nganti wiji wijining urip

soko pepanganan2 sing dipangan dening rogo

NGROWOT

Yoiku lakune wong jowo, amung mangan krowotan

krowotan iku polo pendem

polo pendem iku tunggale telo, kentang, tales, uwi……….isp

rogone mung kaisi wiji2 urip sing kependem (njero lemah)

ning kunu pamrihe, supoyo meruhi kawruh kawruh sing kependem

ateges kaweruh kang siningit

lantaran rogone sing kaisi sapirang pirang doyo urip ing njerone lemah

hiyo wus ora mangan babarblas sakliyane krowotan nganti pirang pirang dino

NGALONG/NGLOWO

Yoiku lakune wong jowo, mung mangan woh wohan

hiyo woh wohan sing cumentel ning dhuwur uwit

koyo apel, jeruk, pelem, kates……isp

ateges kang gumantung ing duwur

dadi rogone mung diisi wiji2 urip sing ono ing awang awang

pamrihe supoyo meruhi kawruh kawruh kang kumambang ing udara

ateges kawruh awang awang

hiyo ora mangan sakliyane woh wohan nganti pirang pirang dino

NGEBLENG

Iku lakune meneng ora obah ora turu ora mangan ora ngombe

patrape meneng total sedino sewengi

ngebleng iku lakune wong topo

amargo laku topo lumrahe dipungkasi karo ngebleng

dene parane topo iku kasekten

PATIGENI

Iku meneng ono ing sajeroing pepetheng

tanpo keno cahyo, tanpo katon cahyo

patigeni yo ora mangan ngombe turu

makartine urip ing njerone petheng

biso linakonan sedino sewengi - telung dino telung bengi

NGINANG

Yoiku patrap mung mangani gegodhongan

hiyo samubarang godhong godhongan sing keno dipangan

ateges godhonge ora ono erine ugo ora kasar (godhong jati)

saiki mangan godhong kae disebut mangan sayuran

dene nginang iku mangani godhong mentah

ora dimasak mateng njur dipangan

amargo tumrape wit witan godhonge iku sing nyadhong pepangane

dadi sari nutrisine kabeh uwit iku ono ing godhonge

MUTIH

Yoiku patrap mung mangan sing ora ono uripe

karepe mutih iku murnino rogo

wong mutih iku dudu patrap mung mangan sego + banyu bae

dene sego iku soko beras, beras soko pari, pari kae yen disebar ning lemah biso tukul dadi uwit

yen beras disebar ning lemah ora thukul amargo wus ilang kulite (gabah)

podo koyo isine pelem (pelok) iku menowo diilangi kulite

yo ora biso ditandur thukul

jagung disebar thukul, kacang disebar thukul, ateges kabeh biji yen disebar thukul, amargo ning kunu ono uripe…

dene mutih iku ora mangan sing ono uripe

mutih ikuloh sejatine laku memayu hayuning urip

WEKASANE LAKU JOWO

Ngrowot lan ngalong iku gandengane laku, ngrowot disek opo ngalong disek podo bae….

amargo ngrowot lan ngalong iku laku kang tanpo wates

mulane keno dilakoni sedino sewengi nganti sapirang pirang dino lan wengi…

Yen ngrowot yo ngrowot ora biso diwor karo ngalong

nanging ngowot lan ngalong iku podo podo duwe piguno

ngresiki rereget2 sing ono ing njerone rogo

nteges rereget iku sari sari sampah sing ora dibutuhno rogo

dadi ngrowot iku mbatesi rogone soko pepanganan sakliyane krowotan nganti pirang pirang dino

ngalong iku mbatesi rogone soko pepnganan sakliyane woh wohan

dene ngombene towo legi kecut ora kawates

Bangsane krowotan iku wiji wiji urip sing ono ing njero lemah

Bangsane woh wohan iku wiji wiji urip sing ono ing awang awang

Ngebleng lan patigeni iku gandhengan

sing siji mung mbatesi awake sedino sewengi

sijine ketambahan mbatesi awake ing pethengan

kekarone iku patrap meneng ora mangan ngombe koyo wong semedi

mung iku laku topo nyuwungno rogone

ora keno moco moco muni muni kejobo mung meneng anteng

amargo nyuwungno rogo mulo parane ning kasekten

Nginang lan mutih iku hiyo gegandhengan

tegese kaaran gandheng iku mangkene

nginang iku mangani gegodhongan

dene ning gegodhongan kae ora onon wiji uripe uwite

amung ono sari pepanganane uwit

pirantine uwit kanggo nyadong pepanganane iku ono ing godhong lan oyote, mulane njur ono sing diarani ginseng lan pigunoe

dene amargo oyote kae ora biso diuntal, lan yen mangan oyote, uwite njur mati, mulane ora wenang dipangan

Mutih iku patrape mung mangan :

-Pohong/singkong sing dibakar ora keno digodhog

dibisao uwite (kayune) pohong mau ditandur maneh, amargo wiji uripe ono ning kunu

-Gedhang mateng uwit

-kembang sing wus uwal teko uwite (lugur)

-Ngombene : ora keno sakliyane banyu mili

mutih iku perlune murnino rogo, nyalin rogone supoyo dadi rogo sing murni

ateges murni iku ora kecampuran.

Dene semedi-meditasi-topobroto

Ngrowot-ngalong-ngebleng-patigeni-nginang mutih

iku kabeh ugo tradisi spirituale wong jowo.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

JANGKEPE JOWO JIWOKU

Nunggal laras sesambungane doyo

Rasuk rinasuk seksen sineksenan

Nunggal jagad sesambungane urip

Weruh wineruhan paseduluran

Hiyo sedulur tunggal ibu ..sedulur tunggal moho ibu ..sedulur tunggal sang ibu

SEDULURAN

Rogo klawan rogo liyane iku seduluran..iki ora ngomongno bangsane manungso nanging seduluran bongso rogo

Awit sato gegremetan sato galak iku yo nggowo rogo nyandang rogo

Jiwo jowo iku nganggep kabeh bongso sato iku sedulure dewe

Olehe nganggep yo kyo nganggep dulur ing tunggal wong tuwo

Ora mung dianggep hama ugo ingon ingon kanggo pepanganan

Nanging yo ora agawe cidro koyo olehe ora gelem nyidrani dulure tunggal wong tuwo

Mulane leluhur niro iku biso serawungan marang bongso sato opo bae ugo biso ngerti bosone bongso sato

Nalikane wus weruh wineruhan ateges iku ws sesambungan

Anane biso sesambungan iku amargo ono tunggal pepadhan

Rogo klawan rogo

Sukmo klawan sukmo

Badan klawan badan

Nyowo klawan nyowo

Jiwo klawan jiwo

Nunggal laras sesambungan manut doyone..nunggal jagad sesambungan manut uipe

rogo klawan rogo liyane iku sedulur ; yoiku dulur tunggal poncodriyo

sukmo klawan sukmo liyane hiyo sedulur ; yoiku dulur tunggal astendriyo

badan klawan badan liyan ugo sedulur ; ateges dulur tunggal tilasing driyo

nyowo klawan nyowo liyan ugo sedulur ; ateges dulur tunggal tilasing driyo ugo

amago dununge tilasing driyo ono ing nunggale badan lan nyowo

jiwo klawan jiwo liyan ugo sedulur ; hiyo dulur tunggal urip

Mulo sejatine kabeh kabeh iku sedulur awit bongso setitah bongso dumadi bongso jalmo

Sing ngrambyang sing ndhanyank sing ngaruhun hiyo sedulur

Opo maneh bongso dumadi klawan bongso dumadi

Mung kacik alus kurang alus..murni kurang murni

Sing diarani nisto iku nalikane agawe cidro ing dulure dewe

Nalikane ora ngakoni ing dulure dewe mulane banjur wuto uripe

Sih katresnan iku rosoing nugroho

Dudu pangirone angen angen dudu panggraitone cipto

Dudu roso dhemen dudu asih klawan pilih pilih

Ora ndunungi urip sing isih nggelar swargo naroko

PERTELANE BEBASAN

Boso ; bowo lan solah ; ateges dasar sikap (dasare gerak)

Wong weruh bosone sato koyo wedus sapi asu dll bosone macan kijang dll

Iku ora bosone sworo nanging bosone tingkah polah ugo bosone rupo lan pangroso

Amargo jowo jiwone, mulane yo ngerti maksut obah lan menenge dulure

Mangerteni ing pikarepe dulure (kabeh dumadi)

Dene kanggone sing wus waskito malah ngerti ing bosone wit witan

PEPENGET

Sesambungan iku werno loro ; sesambungan ing doyo lan sesambungan ing urip

Kliru yen ngarani ngerti bosone sato iku soko sworo/munie sato

Amargo akeh bongso sato iku olehe ngomong/komunikasi klawan tanpo sworo

Ugo ono sing nganggo sworo frekuensi tinggi/rendah nganti ora biso dirungu dening pangrungune uwong

Dadi jalarane ngerti ing bosone sato iku amargo wus nunggal klawan jejagading bongso sato

Mulane yo weruh..kyo olehe weruh pandulu klawan pandulu ing rerupan

Nunggal iku ono ing saknjerone sambung/jumbuh..saknjabane sambung iku aran gathuk

Bongso sato iku bangsane binatang yoiku ;

(sing ngambah udara/kikula/peksi..sing ono ing njero banyu/iwak/mina.. njero lemah/gegremetan ugo ing duwur lemah)

Dadi kanggone sing wus mangerteni urip sing kaaran mungsuh iku ora ono

Wruho niro ; sih iku sawijine roso kang tumuju ngenani ing sa gung dumadi ; mulane banjur ono lebur dening pangastuti

mulane angkoro njur ora biso murko

Wong ngakoni yen kabeh iku sedulure, banjur katon asu koyo ndeleng mungsuh

Katon tikus banget gethinge ora koyo ndeleng dulure tunggal wong tuwo

Iku nyatane yen isih durung jowo jiwone

Isih durung mangerteni “ibu bumi bopo angkoso”

Jowo jiwoku iku ateges : Manunggaling moho tunggale jagad.

“Podo Rahayuo Sa gung Dumadi”

GAMA BUDHI KAWERUH URIP SAJATI

Podo Rahayuo , Sagung Dumadhi

Read More