Spirit Of Java

SPIRITUAL OF JAVA

Ingdalem sajeroing meneng

ateges ora obah rogone lan angolah doyo

Ning Neng Nung Nang Nong

Olehe meneng klawan niteni lan ngrasakno melbu metune udara (ambegan)

angen angene hiyo tumuju marang ambegane

hiyo iku arane 'olah napas'

ndayani marang ubengane bayu sajeroing rogo..

dene angen2 kang dadi pakertine.

Panekungan

Olehe meneng klawan niteni unsur kang ono ing sajeroing rogo (banyu..lemah..geni..udara) ugo ngrasakno anane unsur mau, hiyo sing mgawujud rupo isen2e rogo ; awit jantung, ginjel, getih, lambung, ati, paru2 isp.. lan ugo ngrasakno doyoe kyo adem panas padhang petheng.. ng kunu angen2 dalah ciptone katujukno marang sawijine doyo lan unsur2 mau, yoiku kang aran 'manekung'

kang ateges 'nekung; musatno'

dene ambegane ora dirasakno, ateges ndayani marang isen2 sajeroing rogo, nganti ambegane dadi ambegan manekung, menowo ora mangkono arane olah napas, mergo tumujue/pamusate marang ambegan hiyo cipto ripto kang dadi pakertine.. dene parane panekungan iku 'kawisesan' ateges 'penguwasaan'

Hastobroto (wolung laku topo)

Ing sajeroing meneng, ngrasakno lan anyerot doyoing bawono, kang arupo wolung perkoro (bumi..gunung..angin..segoro..lintang..mbulan..srengenge..angkoso)

.bumi teles bumi garing..gunung urip gunung mati..angin nggebes angin lirih..segoro butheg segoro bening kaserot doyone

.doyo getare lintang doyo ademing mbulan doyo panase srengenge lan gethering angkoso

hiyoiku badan sing dienggo anyerot doyone..

kaaran topobrotoing bumi nalikane meneng anyerot doyoing bumi, dene ambegane ora dititeni amung niti ngrasakno panyerotane, nganti ambegane dadi ambegan topo, yen niteni lumakune udara sing melbu metu.. iku arane olah napas

hiyo karso kang dadi pakertine.. dene parane hastobroto iku 'kadigdayan' ateges 'digdoyo'

Panglereman

Ingdalem sajeroing meneng, cipto ripto kaleremake

dadi ngrasakno lereming cipto, dene cipto iku hiyo pamikir mung ono gambare, dene angen2 iku yo pamikir (raos), tapi ora ono gambare..

yoiku ngeningno cipto, ateges kbeh doyo ditujuno kanggo nglerem obahe panggraito ugo panggagas..

ora nuju marang ambegan..njur nganti ambegane dadi ambegan hening, mergo katut marang lereming cipto.. ora murih heninge ambegan..

nalikane ciptone biso lerem nang kunu sukmoe semedi, tambah lerem dadi tambah tenange, olehe tenang temenan, yoiku 'kaheningan'

tambh hening dadi tmbh alus sukmoe, ategs tambah kamurniane, hiyo murni teko wuwulan yoiku doyo2 wuwulane sukmo, nalikane sukmo anggelar rogo.. mulo uwonge diarani kawulo, amergo kawuwulan sapirang pirang doyo.. doyo" kang ngawuwuli sukmo hiyo ngawuwuli jiwo..

njur nganti biso tekan ing wijine sukmo yoiku sing diarani 'sukmo kawekas' mulane njur diarani ingkang amurbo masesa.. amergo hiyo biso dadi sakciptone.. dene cipto iku biso nukmo (mujud).

Ingdalem sakjeroing meneng ngenebno rahso

yoiku aluse kekarepan, rupo wujute enem pangroso (dhemen gething bungah susah wedi wani) iku kaenebake, kabeh doyo ditujuno kanggo ngenebno rahso, nganti raono rahso sing kumambang.. yoiku sg diarani 'anteng'

olehe anteng temenan yoiku sg diarani 'kaweningan' jagad wung wang sing kagelar.. yoiku sangkane kabeh kaweruh, dadi asale ono opo sing diarani uwit kayu sejati, soyo wening rahsoe sangsoyo salin jiwoe, dadi tambah alus tambah alusan maneh nganti tumeko alusing alus.

NGGELAR NGGULUNG

Urip iku nggelar jagad, jagad iku sing digelar, dudu swalike : jagad nggelar urip..

Menengno Rogo

Kang ateges nggulung poncodriyo, yoiku limang indriyo (pandulu..pangrungu..pangecap..pangambu..panggepok)

makartine pandulu iku nggelar jagad rerupan

makartine pangrungu nggelar jagad sworo

makartine pangambu nggelar jagating gegandhan

makartine pangecap nggelar rasaning ilat

dene gatel keri alus kasab kagelar dening panggepok

angen angen iku sing dadi ratune poncodriyo ateges mengku nguwasai..

Nggulung Pandulu

ateges ora makartino hiyo ora nggelar rerupan, digulung nuju lereming pandulu.. ono ing lereme pandulu thukul 'alusing pandulu' yoiku kayektene paningal, mulo njur ono sing diarani waskitoning nolo, yoiku dununge uwong biso dadi dewo biso dadi hyang..

Nggulung Pangrungu

ateges agawe lereming pangrungu, sworo" ora kagelar, mergo pangrungune digulung.. ning kunu, awit thukul 'alusing pangrungu' njur dumunung ono ing alusing sworo, hiyo sworo njero sing biso nyirep sworo njobo, mulo njur biso thukul prabowo, tanggep ing sasmito hiyo dadi landhep panggraitone..

Nggulung Pangambu

ateges nyirep kang ndadekake lereming pangambu, rosoing pangambu ora dienggo, dadine jagating gegandhan ora kagelar, ning kunu awit thukul 'alusing pangambu' dene bangsane gegandhan kyo wangi anyir isp kagulung, awit dumunung ono ing kaalusan, ngirup kamurniane gegandhan yoiku 'gondho sari' iku sing dadi panguwating cipto.. hiyo iku bakale sing biso mujudno opo sing dituju..

amergo iku sing dadi larasing sedyo ingkang nuju ing pinuju.. 

Nggulung Pangecap

ateges ngleremno ora makartino rosoing ilat, ono ing lereme pangecap thukul kaalusane, njur awit dumunung ono ing aluse rosoing ilat, klawan necep lembuting sari" kang dadi pikuwating karso, dene karso iku bedo kro karep, yen karep iku pinuju ing arep, karso iku sadurunge pinuju arep.. mung kekarone aran pepinginan.. dadi karso iku alusing kekarepan..

Nggulung Panggepok

ateges ora digunakno, ora ginelar ora makarti.. ono ing ora makartine panggepok, awit thukul kaalusane, yoiku awak alus, awak sing ora nggelar adem panas gatel keri isp.. dene awak alus iki dudu alusing pangrungu pandulu pangecap pangambu, yoiku awak ingkang sayekti, awak kang wekasane biso dadi pambuka opo kang sinedyo..

Nggulung poncodriyo Nggelar aluse

-Podo kyo ambegan, tanpo disejo mlaku dewe, poncodriyo ora digelar, nggelar dewe, mangkono iku gumantung sing mengku, ateges opo jare angen angene, yen kerep dilatih yo sangsoyo biso..

-Iku dudu kodrat nanging pakulinan sing ws turun temurun..

-Dadi menenge poncodriyo nuwuhno alusing poncodriyo, mulo kaaran dosondriyo, dene angen angene hiyo dadi ratuning dosondriyo, wis ora ponco maneh..

Menengno rogo Ngeningno cipto Ngenebno rahso Ngolah roso yoiku kang aran samadhi, olehe biso meneng ING NENG temenan, yoiku 'mahening suci'

JOYO JOYO WIJOYO

DIGDOYO WASKITO TANAH JOWO

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Manekung

PANEKUNGAN

Kaaran Manekung

Iku tegese panggemblengan

yoiku ngolah doyo kang ono ing saknjerone rogo

sing lumrahe disebut meditasi..

.manekung ing lemah

.manekung ing banyu

.manekung ing udara

.manekung ing geni

doyoe lemah iku petheng

doyoe banyu iku adem

doyoe udara iku padhang

doyoe geni iku panas

Manekung iku ngolah unsur bawono ing sakjerone rogo

wiwitan olehe ngolah : dumunung ing wenang

madyoning ngolah : dumunung ing waseso

pungkasane ngolah : dumunung ing wengku

manekung iku pakartine sukmo klawan cipto...parane marang kawisesan

dadi manekung iku dudu ajaran utowo patrape nyembah opo suguh..

manekung iku ciptone digembleng dipusatno diarahno marang isen isene rogo..

wiwitane yo mung nggrayang - nggrayang

soyo suwe sangsoyo cetho kroso ketoro opo sing lagi digrayang/diolah sing lagi diarah.

dene rogo iku bawono njero

sing meh ora ono bedane karo bawono njobo..

unsur lemah banyu udara geni kawengku dening howo

doyo adem panas padhang petheng kawengku dening gether

Manekung. Nekung. Panekungan.

JOYO JOYO WIJOYO

SPIRITUAL TANAH JOWO

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

JANGKEPE INGKANG ARAN LEREM

:::::::::

Wening kang cetho welo welo

padhang tanpo alinge ngrahono

sumebyar laras nyantosani rogo

meneb reregeting dadi sirno

KAWENINGAN

Menengno rogo, Ngeningno cipto banjur Ngenebno rahso

rosoe rahso hiyo rosoning kekarepan

awit sing gede cilik, tipis kandhel, alus kasar

kapilah pilah lan kaenebake

menebing rahso yoiku tegese wening

weninge rahso anggelar jejagade, yoiku

wang wung kang tanpo wates kang ngemot sekabehe kaweruh

pepindhane wus ora koyo katindihan gunung maneh

ananging gumrigah wus amindah gunung kang ngaling ngalingi

cetho padhang yoiku kang aran wus pramono..

Wening iku bening, hiyo nalikane rahsoe biso meneb

dene menebe rahso iku sing dadi jalaran gumrigahe budhi

lan dadi pambuka plawangan alusing roso pangroso 

dadi sebab kandhele roso kamanungsan kang sejati

uga kang mahanani salin rupoe kabeh jiwo

Saben ono rahso iku mesti bareng onoe roso

Mung onoe roso iku ora mesti bareng karo onoe rahso

Rahso iku ALUSING KEKAREPAN

sing kasar sing alus sing apik sing olo hiyo kaenebke

gething dhemen, bungah susah, wani wedi

iku enem bongkoting rahso

dene koyo nesu muring manglah sengit was sumelang getir kuwatir isp...

iku kabeh mung pang pang ateges ; anak.ane bongkoting rahso

hiyo sangsoyo suwe sangsoyo mati menowo kerep meneb rahsone

BUDHI

Awit cipto lan angen2 iku hiyo pamikir

samono ugo budhi hiyo pamikir

yen bongso janaloka ndunungi angen angen

bongso kaendran ndunungi cipto

bongso kadewatan ndunungi budhi

awit budhi utomo, budhi jatmiko, budhi rahayu.....isp 

sing kabehe iku cacahe ono pitu geneb wolu

Ono budhi kaweruh ; yoiku bongkoting budhi

sing mung ono ing kaweningan

Utek yoiku pucuke budhi

nalikane durung biso migunakno pucuke budhi

iku lirkadiyo wong sing isih ketindihan gunung

hiyo gedhene rahso sing kaumpamakno gunung

nalikane wus biso migunakno pucuke budhi

kaaran wus tangi budhine, kaumpakano koyo wong kalingan gunung

mulane yo isih kagubet ing pepethenge bebingung

menowo kerep angenebno rahsoe, sangsoyo cetho sangsoyo padhang

ateges wus amindah gunung kang ngaling ngalingi

angen2e padhang, jembar, landhep panggraitone

samubarang prakara iku isih kalilingan/katutupan hiyo durung cetho

mulane enebno rahsomu...

GEGAMBUHAN

Weninge rahso iku alusing rahso, dene alusing rahso iku wes mesti bareng karo luwih alusing roso

ateges dumunung ing roso kang luwih alus (roso kasar-roso alus-roso luwih alus-roso alusing alus)

Wus ora loro rogone hiyo wus tanpo pegel rogone

Wus tanpo susah, amung ono kanirwanan

Enteng tan ono abot sarwo gampang panggraitone

Angen angen kang wus padhang, jalaran soroting budhi

Mulo ora rekoso amikir babagan sing gedene dikoyoopo byar ambyar

SUNYOE WENING RURI ING SEPI

Hiyo alusing alus iku kang aran roso sejati, kang tunggal anane tetep ing murnie kaaran ; sangkalpa

nalikane bongkoting budhi biso nunggal klawan sangkalpa, iku kaaran : wus 'tatas ing budhi'

awit tekan ingkang sejati, anggelar kahanan kang sejati, yoiku kajaten..

kang wus tanpo kantha tanpo kanthi

mulo kasebut trah kusumo rembesing madu tedhaking andono warih

wus tan luwe tan turu, mangan turuo amung sarat bae

teguh yuwono kalis ing sambekolo nir sambekolo

Menengno rogo Ngeningno cipto Ngenebno rahso

Meneng ing Neng temenan ; yoiku kang aran semedhi

PEPENGET

Janaloka iku ginelar dening angen2 klawan poncodriyo

Endraloka iku ginelar dening cipto klawan astendriyo

Guruloka iku ginelar dening budhi klawan roso luwih alus

Kajaten iku ginelar dening nunggale budhi klawan rosojati

Dhiri2 arcopodo iku angen2e luwih kandhel tinimbang ciptoe

Dhiri2 kaendran iku ciptone luwih kandhel tinimbang angen2e

Dhiri2 kadewatan iku budhine luwih kandhel tinimbang ciptone

Bongso janaloka yo duwe budhi cipto mung angen2e luwih kandhel

bongso endraloka iku y duwe budhi angen2 mung ciptone luwih kandhel

bongso guruloka yo duwe cipto angen2 mung budhine luwih kandhel

sg ndunungi janaloka iku y biso wikan ing kaheningan mung ora akeh

sg ndunungi endraloka iku yo biso wikan marang kaweningan mung ora jangkep

kabeh2 y gumantung ing praupan jiwoe

ono sg ora salin babarblas, ono sg arepe salin, ono sg wus salin

ono sg saline tambah kasar lan ono sg saline tmbh alus

Pengetan : alus kasar iki mung kahanane bae..kanggo mbedakno blegere..

koyo dene mungguhe rogo sukmo iku alus, mungguhe sukmo badan nyowo y luwih alus.....

Yen wong janaloka kerep ngempakno roso kasar

wong endraloka kerep ngempakno roso alus

wong guruloka kerep ngempakno roso luwih alus

Yen menenge rogo ambuka alusing poncodriyo

ngeningno cipto ambuka murnie sukmo

ngenebno rahso ambuka plawangane rosojati

kabeh mau ateges jalaran pambuka ing semedhi...

bab.tuntas.babagan.tegese ingkang aran lerem.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

JANGKEPE LAKUNE WONG JOWO

HASTO BROTO

Mulat laku anggentur anarik doyo

Soko njobo katarik dening karso

Badane kang anarik nyowoe kang ngrasakno

Hiyo rahso, rahsoning nyowo

Lumebu lumantar howo, kataman ing rogo

Sesepan doyoning bawono nyelaras ing njerone rogo

Yoiku kang sinebut topobroto

Doyo bawono kang rupo wolung perkoro

Bumi-gunung-samudro-angin

Suryo-lintang-mbulan-angkoso

PERTELANING HASTOBROTO

Topobrotoning bumi

bumi teles bumi garing katarik doyone

Topobrotoning gunung

gunung urip gunung mati kaserot doyone

Topobrotoning samudro

samudro butheg samudro bening kaserot doyone

Topobrotoning angin

angin pelan angin banter kaserot doyone

Topobrotoning suryo

panas uruping suryo kaserot doyone

Topobrotoning lintang

lintang panjer rino panjer wengi ingkang kumelip kaserot doyo getare

Topobrotoning mbulan

adem uruping mbulan kaserot doyone

Topobrotoning angkoso

awang uwung kang tanpo wates katarik doyone

Hastobroto iku wolung macem jinise topo, dudu mlajari watek/sifat isen isene bawono

hastobroto iku kaweruh wengkuning ratu

dene manungso iku dudu gunung dudu angin yo ora biso dikoyo gunung lan angin

manungso hiyo dudu mbulan lan lintang yo ora biso dikoyo mbulan ugo lintang

PATRAPING TOPOBROTO

.Klawan menege rogo nganggo lungguh silo

.Makartine angen angen lan ciptoe dienggo fokuse marang karso

Karso iku ono ing mburine karep, kaaran kehendak

Hiyo kehendak anyerot doyoning bawono

.Panyeroting mau biso nganggo :

-ujung ujung jari

-epek epek tangan

-awak sakujur (pori pori kulit)

-ugo biso liwat mripat loro

.Panyeroting doyo mau kudu biso karasakake lumebune..hiyo iku rahsone….

kanggone sing ws laku ambegan jogorogo mestine y wis biso ngrasakno howo

dadi doyo sg melbu mau lumantar lumebune howo kang sinerot dening badan..

.Awite nggathuk nggathukno (nyelarasno)

.Banjur njumbuhno (proses panyerote)

.Wekasan ; manunggal (nglumpuk’e doyo kang sinerot ing njerone rogo)

TOPO BUMI

-bumi teles (bumi sing lemahe ora tau garing ; kyo bumi njeroning alas)

-bumi garing (hiyo bumi sing ora iso teles ; lamun teles mesti garing maneh)

Bumi teles luwih subur tinimbang bumi garing

TOPO GUNUNG

-gunung urip (gunung sing isih nyimpen magma ; drung entek magmae)

-gunung mati (gunung sing wus ora iso mbeldos ; magmae ws entek)

Gunung mati luwih subur tinimbang gunung urip

TOPO SAMUDRO

-samudro butheg (segoro sing banyune ora biso bening ; luwih cethek)

-samudro bening (segoro sing banyune ora biso butheg ; luwih jero)

Samudro bening luwih akeh panguripane tinimbang segoro butheg

TOPO ANGIN

-angin pelan (cilik ; ora banter lumakune)

-angin banter (gedhe ; banter lumakune)

Angin cilik ora biso dadi gedhe nanging angin gedhe biso dadi cilik

Angin gedhe iku kaaran maruto (badai ; yoiku udara sing katut ubengane bawono)

Angin cilik luwih adem tinimbang angin gedhe

*PENGETAN*

Wong topo iku meneng tanpo ngobahno rogo, yen sengojo ngobahno rogoe dibaleni maneh panyerotane

Parane topo iku ing kadigdayan (digdoyo)

dumunung ing wengku (ateges yo kuoso yo nguwasai yo biso ngemong)

mulane disebut wong sekti tanpo aji aji

digdoyo tanpo pusoko lan biso nggawe montro

Kabeh kabeh doyo kang sinerot iku tumuju ing ngurupno urip

yoiku ; nguwatno doyoning urip

Mulo sopo bae sing wus nguwasai hastobroto hiyo biso mengku angratoni jagad

amargo rogo iku duweni doyone bawono mulane hiyo biso sesambungan klawan isen isening bawono

SAMBUNGE HASTOBROTO

*

TOPO SURYO

Hiyo anyerot doyo panasing srengenge ing wayah isuk lan sore

ateges naliko sunari srengenge durung mencorong putih

awit srengenge isuk ; abang.. abang semu kuning.. kuning mencorong

srengenge sore ; kuning mencorong.. kuning semu abang…

TOPO LINTANG

Hiyo panyeroting doyone lintang

-lintang panjer rino (katone ing wayah padhange srengenge)

-lintang panjer surup (katone ing wayah surupe srengenge)

-lintang panjer wengi (mung katon ing wayah bengi)

-lintang blelek (lintang sing katon semu abang)

-lintang gubug penceng (lintang sing petane kyo gubung amung penceng)

-lintang ingkang kumelip (lintang sing kumelip ; jarake luwih adoh soko bawono)

kabeh lintang iku ngemu doyo getar (getaran) ; dudu adem dudu panas

TOPO MBULAN

Padhang ademe mbulan ing tanggal 12.13.14.15

ing wanci purnomo anyerot doyoning mbulan

TOPO ANGKOSO

Hiyo iku doyoning awang uwung hampa kang tanpo wates

doyoning petheng kang tanpo wekasan

meneng ing wayah bengi ing tengah latar katon langit

-bisane anyerot doyoning angkoso iku nalikane wus biso nyerot doyoning suryo condro kartiko.

PEPENGET

Yen manekung dumunung ing wisesoning rogo

topobroto ndunungi wengkuning ratu

Yen manekung iku makartino ciptoe

topobroto makartino karsoe

Bumi iku dudu lemah ; mung saben bumi ono lemahe

samono ugo gunung iku dudu bumi mulo doyone bedo bedo

Samudro iku dudu banyu ; mung saben samudro ono banyune

Angin iku dudu udara ; mung saknjerone angin ono udarae

Srengenge iku dudu geni ; mung saknjerone srengenge ono genie

Mulane manekung klawan topo iku bedo ing parane

amargo sangkane wus ora podho..

Yen manekung iku ngolah doyo saknjerone rogo

topobroto ngolah doyo saknjabane rogo

kekarone podo podo nglumpukno doyo..podo podo tunuju mundhaking doyo

podho podho klawan meneng patrape

Topo iku trmasuk panunggalan ; hiyo nunggal klawan isen isening bawono (nunggale nunggal pisah)

dene topo iku ora kawates ing wolung perkoro : kyo topo uwit, topo udan…..isp

PANYEROTAN :

Gathuk-jumbuh-nunggal

(nyelaras-nyerot-maligi)

WEKASANING WEDARAN

Dadi lakune wong jowo iku ;

-ngrowot ngalong

-ngebleng patigeni

-nginang mutih

-manekung topobroto

-semedi

Dene semedi iku : meneng ing neng temenan (bener bener meneng ; mahening suci) kaaran ; lerem

-menengno rogo

-ngeningno cipto

-ngenebno rahso

(gamblange wus ono ning wedaran : ingkang aran lerem)

Jangkep wutuh hiyo maligi ing santosa

Jejeg ajeg jumeneng wiseso maseso

Mengku tan kawengku

Linuwih mumpuni dadine

Sukmo kang wiseso

Badan kang mengku

Jiwo kang salin rupo

Dadi tetep ing santosa lan sampurnaning rogo

Tanpo dungo tanpo pusoko hiyo digdoyo

Klawan laku spirituale wong jowo.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

:::::::::::::::::::::

SAMBUNGE LAKUNE WONG JOWO

----------

MANEKUNG

Ngolah doyo ing saknjeroning rogo

Ngolah unsure bawono ing njerone rogo

Lemah banyu udara geni

Petheng adem padhang panas

Menenge rogo kagowo angolah doyo

Klawan cipto makartining sukmo

Yoiku manekung kang ateges nggembleng

Hiyo musatno cipto ing sawijine unsuring rogo

Manekung iku pepdhane meditasi

Cokroning banyu mubeng ing njerone rogo

Cokroning angin mubeng ing njerone rogo

Wiwit manekung ing lemah 

Manekung ing banyu

Manekung ing udara

Manekung ing geni

Doyo petheng sesambungane unsur lemah

Doyo padhang sesambungane unsur udara

Doyo adem sesambungane unsur banyu

Doyo panas sesambungane unsur geni

PANEKUNGAN

Manekung iku sangkane kawisesan

Ateges panguwasaan

Yoiku anguwasai rogone dewe

Awit nguwasai unsur lemah nganti unsur genie rogo

WADAG NJOBO

Wulu..kulit..getih..otot..daging..balung..sum sum

WADAG NJERO

Ginjel..lambung..usus..ati..limpah..jantung..paru paru

WADAG ALUS

Jinem..sanu..puat..otot alus..nadi..jiling..damarmoyo..utek..pramono jati..isp

Wadag tetelu iku kaaran awak kasar (rogo)

Sing alus sing njero sing njobo gandheng sesambungan (nunggal pisah)

Unsur lemah banyu udara geni ugo doyo panas adem padhang petheng yo nunggal pisah

Nunggal pisahe kabeh mau kaaran jumenenge rogo

PATRAPING MANEKUNG

Lungguh silo 

Meneng ora obah awake

Ambegane biasa (ora ditahan ora dibanterno)

Musatno cipto marang rogoe

Diarahno ing unsur lemah wiwitane

Yoiku ; kulit otot daging ginjel lambung usus ati limpah jantung paru paru

Unsur lemah iku minongko pambuntel (wadah)

Kawengku dening pratiwi (pambuntel wutuhe rogo)

Dadi pratiwi iku pancere unsur lemah

Manekung ing banyu

Saknjerone kulit otot ginjel limpah ati usus jantung lambung

Rupane abang ireng yoiku getih

Rupane putih yoiku sumsum nanah

Rupane bening yoiku kama

Ono maneh banyune kamanungsan iku sing dadi panglengkete kabeh pirantining rogo

ora keno diowahi yo ora ngowahi

Ora ngrusak ora keno rinusak

Dumununge ora ing njobo ugo ora ing njero

Yoiku sing dadi lantarane roso asmorojati

Unsur banyu pancere ono ing lambung (segoro bebanyu)

Ubengan cokro banyu pencere ning jantung

Manekung ing udara

Awit balung ugo sum sum (udara doyo adem petheng)

Udara iku meneng, obahe kaaran angin

Udara ngebeki kabeh pirantining rogo

Ateges kabeh wadag ono udarae nganti ing banyu yo ono udarae

Dene pancere udara ono ing wadag alus

Pancer cokro ubengane ono ing paru paru

Manekung ing geni

Geni iku dudu panas tapi geni mowo panas

Yoiku pramono jati sing ono ing tengahe telenge dodo

Iku pancering geni saknjerone rogo

Dene cokro banyu ugo cokro udara ugo biso nganakake geni

PEPENGET

Arepo manekung ing geni disek utowo udara disek gak ono bedane

Mung urutan lapisane iku lemah banyu udara geni

Nalikane manekung wiwite yo nggathuk nggathukno 

Ngolahe iku nalikane ws sambung pamusate ciptane

Nganti tekan ing nguwasai

Dene patang unsur mau kawengku dening howo

Howo iku dumunung ing saknjerone udara (alusing udara)

Patang doyo kawengku dening gether

Dene gether pancering ono ing jiling (kekandhangane roso)

Dene howo amratani ing sajeroning wadag kabeh

Ono topobrotoning angin

Ono manekung ing udara

Ono topobrotoning bumi

Ono manekung ing lemah

Ono topobrotoning samudro

Ono manekung ing banyu

Ono topobrotoning suryo

Ono manekung ing geni

Nalikane biso manekung ing nunggale patang unsur mau

Kaaran semedi tunggal (musatno langsung patang unsur)

Dene unsur saknjerone rogo iku ora mung papat

Ono akeh sakpirang pirang, nanging intine amung papat

Samono ugo doyoe yo ora amung papat, ono akeh nanging intine mung papat

Mergo ono lemah ketemu banyu

Banyu ketemu padhang

Padhang ketemu udara

Udara ketemu geni lan sakteruse………..

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

_____________________________

LAKUNE WONG JOWO

MEMAYU HAYUNING BAWONO

Poso iku cegah dahar cegah ngombe

Karepe ngemposno roso

Sejatine olehe nyegah ngunuiku mung ngemposno rahso (karep)

Amargo rogone soyo ringkih

Nalikane ws suwe ora mangan

Tetep bae rosoning ilat ora kempes

Ugo roso roso liyane tetep rosa makarti

Ingkang mangkono iku nuduhno lupute

Luput soko sangkane : karep ngemposno roso

Parane nuju tangine roso

Ora ono ngemposno roso sakliyane nganggo meneng.

Rogo iku bawono niro

bawono sing ono ing njero

hiyo bawono sing meh ora ono bedane karo bawono njobo

rogo kae ngemot sapirang pirang doyo soko bawono njobo

awit doyo alus kasar nganti wiji wijining urip

soko pepanganan2 sing dipangan dening rogo

NGROWOT

Yoiku lakune wong jowo, amung mangan krowotan

krowotan iku polo pendem

polo pendem iku tunggale telo, kentang, tales, uwi……….isp

rogone mung kaisi wiji2 urip sing kependem (njero lemah)

ning kunu pamrihe, supoyo meruhi kawruh kawruh sing kependem

ateges kaweruh kang siningit

lantaran rogone sing kaisi sapirang pirang doyo urip ing njerone lemah

hiyo wus ora mangan babarblas sakliyane krowotan nganti pirang pirang dino

NGALONG/NGLOWO

Yoiku lakune wong jowo, mung mangan woh wohan

hiyo woh wohan sing cumentel ning dhuwur uwit

koyo apel, jeruk, pelem, kates……isp

ateges kang gumantung ing duwur

dadi rogone mung diisi wiji2 urip sing ono ing awang awang

pamrihe supoyo meruhi kawruh kawruh kang kumambang ing udara

ateges kawruh awang awang

hiyo ora mangan sakliyane woh wohan nganti pirang pirang dino

NGEBLENG

Iku lakune meneng ora obah ora turu ora mangan ora ngombe

patrape meneng total sedino sewengi

ngebleng iku lakune wong topo

amargo laku topo lumrahe dipungkasi karo ngebleng

dene parane topo iku kasekten

PATIGENI

Iku meneng ono ing sajeroing pepetheng

tanpo keno cahyo, tanpo katon cahyo

patigeni yo ora mangan ngombe turu

makartine urip ing njerone petheng

biso linakonan sedino sewengi - telung dino telung bengi

NGINANG

Yoiku patrap mung mangani gegodhongan

hiyo samubarang godhong godhongan sing keno dipangan

ateges godhonge ora ono erine ugo ora kasar (godhong jati)

saiki mangan godhong kae disebut mangan sayuran

dene nginang iku mangani godhong mentah

ora dimasak mateng njur dipangan

amargo tumrape wit witan godhonge iku sing nyadhong pepangane

dadi sari nutrisine kabeh uwit iku ono ing godhonge

MUTIH

Yoiku patrap mung mangan sing ora ono uripe

karepe mutih iku murnino rogo

wong mutih iku dudu patrap mung mangan sego + banyu bae

dene sego iku soko beras, beras soko pari, pari kae yen disebar ning lemah biso tukul dadi uwit

yen beras disebar ning lemah ora thukul amargo wus ilang kulite (gabah)

podo koyo isine pelem (pelok) iku menowo diilangi kulite

yo ora biso ditandur thukul

jagung disebar thukul, kacang disebar thukul, ateges kabeh biji yen disebar thukul, amargo ning kunu ono uripe…

dene mutih iku ora mangan sing ono uripe

mutih ikuloh sejatine laku memayu hayuning urip

WEKASANE LAKU JOWO

Ngrowot lan ngalong iku gandengane laku, ngrowot disek opo ngalong disek podo bae….

amargo ngrowot lan ngalong iku laku kang tanpo wates

mulane keno dilakoni sedino sewengi nganti sapirang pirang dino lan wengi…

Yen ngrowot yo ngrowot ora biso diwor karo ngalong

nanging ngowot lan ngalong iku podo podo duwe piguno

ngresiki rereget2 sing ono ing njerone rogo

nteges rereget iku sari sari sampah sing ora dibutuhno rogo

dadi ngrowot iku mbatesi rogone soko pepanganan sakliyane krowotan nganti pirang pirang dino

ngalong iku mbatesi rogone soko pepnganan sakliyane woh wohan

dene ngombene towo legi kecut ora kawates

Bangsane krowotan iku wiji wiji urip sing ono ing njero lemah

Bangsane woh wohan iku wiji wiji urip sing ono ing awang awang

Ngebleng lan patigeni iku gandhengan

sing siji mung mbatesi awake sedino sewengi

sijine ketambahan mbatesi awake ing pethengan

kekarone iku patrap meneng ora mangan ngombe koyo wong semedi

mung iku laku topo nyuwungno rogone

ora keno moco moco muni muni kejobo mung meneng anteng

amargo nyuwungno rogo mulo parane ning kasekten

Nginang lan mutih iku hiyo gegandhengan

tegese kaaran gandheng iku mangkene

nginang iku mangani gegodhongan

dene ning gegodhongan kae ora onon wiji uripe uwite

amung ono sari pepanganane uwit

pirantine uwit kanggo nyadong pepanganane iku ono ing godhong lan oyote, mulane njur ono sing diarani ginseng lan pigunoe

dene amargo oyote kae ora biso diuntal, lan yen mangan oyote, uwite njur mati, mulane ora wenang dipangan

Mutih iku patrape mung mangan :

-Pohong/singkong sing dibakar ora keno digodhog

dibisao uwite (kayune) pohong mau ditandur maneh, amargo wiji uripe ono ning kunu

-Gedhang mateng uwit

-kembang sing wus uwal teko uwite (lugur)

-Ngombene : ora keno sakliyane banyu mili

mutih iku perlune murnino rogo, nyalin rogone supoyo dadi rogo sing murni

ateges murni iku ora kecampuran.

Dene semedi-meditasi-topobroto

Ngrowot-ngalong-ngebleng-patigeni-nginang mutih

iku kabeh ugo tradisi spirituale wong jowo.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

SAMBUNGE INGKANG ARAN LEREM

GAMA BUDHI KAWERUH URIP SAJATI

NGENINGNO CIPTO

(meheningkan cipta)

Sukmo ingkang nukmo

Ngejawontoh anggelar rogo

Kalimput rosoning pangroso

Dadekake owahing ciptone sukmo

Ngolah ngalihe anyorot ing aura

Auraning badan kang nglimputi rogo

Sukmo nukmo kinuwoso anjajah ngideri bawono

Koyo pamesating sukmo ing jagad pangimpen

Iku ngrucating cipto soko limputing pangroso

Lolos sukmo..sukmo nukmo..silat sukmo

KAHENINGAN

Hening iku sunyi, yoiku leremening cipto soko owahe

owahing panggagas

owahing panggraito

owahing panganggep

Hiyo iku cipto ingkang dumunung ing hening..

yoiku sing diarani ketenangan

hening iku dudu kosong amung sunyi

ono ing sajerone cipto kang hening sukmone semedi…

ngeningno cipto iku 

ora nggagas tumanduking angen angen

ora nggraito ; ateges ora ngelingi kang wus linakonan 

ora nanggap ing makartine poncodriyo 

ning kunu sukmo awit biso tmbah alusan maneh 

nganti nyedak ing murnie yoiku wijine sukmo 

jalaran lereming cipto uwong awit biso nguwasai sukmone 

dadi ingkang linangkung ingkang murbo maseso

dadi saciptane katekan sasedyane 

menowo ora kaleremake ciptoning sukmo iku

biso tumangkar ngombro ngombroh ngebaki bawono 

pecahe biso ndadekake rencanane urip 

sing wekasane mbalek ngenani uwonge

yoiku padunungane cipto ingkang nukmo

SIDHAKEP SALUKU TUNGGAL

Tunggal tunggaling sawiji 

saktuju saksedyo sakadep hiyo sakpameleng

meleng meleng ing siji sijine karep

madep madepe ing siji perkawis 

tanpo ono pecahing cipto tanpo ono pamelengan liyo

kejobo mung iku siji sijine sing dielingi

nganti tumanceping cipto marang ingkang tinuju ora keno tola toleh

dadi buyar ambyar nalikane ono kenyut maneh 

dadekake sigar sedyane 

kang mangkono trape kudu ambaleni maneh 

nancepake ciptone marang ingkang tinuju…..

yen wus tumancep tumuwuh mantep

njur katekan sedyane kang tinuju..

Ora perlu ndungo njaluk njaluk

Ora perlu komat kamit mirid

Ora perlu ngujo ngujo

WEKASANE KAHENINGAN

Tanpo ngleremno hiyo ora biso nguwasai

awit biso nguwasai kae mergo wus biso nglerem

ciptone sing dilerem sukmone sing semedi

semedine sukmo iku agawe mundak ing aluse

alusing sukmo tumuju ing murnie

murnie sukmo iku wijine sukmo : kasebut sukmo kawekas

dene ora biso nguwasai iku amargo isih dikuasai

amargo isih dikuasai

mulane ngombro ngombroh ngebaki bawono kang tanpo kedadi ono

amung tumangkar reno reno

mulane perlu diheningno

Cipto biso nukmo, sukmo ugo biso nukmo

tegese nukmo iku ngejawontoh (mujud)

menenge rogo iku dumunung ing poncodriyo

heninge cipto iku dumunung ing sukmo

Menengno rogo Ngeningno cipto…..

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Tegese Ingkang Aran Lerem

Gama Budhi Kaweruh Urip Sajati

24 Mei 2017 

GAMA BUDHI KAWERUH URIP SAJATI

-LEREM-

( meneng-tenang-anteng )

Lereming poncodriyo

(pandulu.pangrungu.pangambu.pangecap.pangroso awak) 

Kaaran meneng

Lereming cipto

(panggagas.panggraito.panganggep)

Kaaran tenang

Lereming rahso

(bungah.susah.gething.dhemen.nesu.muring.seneng.manglah.... isp) 

Kaaran anteng

Olehe anteng temenan

Yoiku kaweningan

Olehe tenang temenan

Yoiku kaheningan

Olehe meneng ing NENG temenan

Yoiku mahening suci

Menengno rogo- Ngeningno cipto- Ngenebno rahso- Ngolah roso

Yoiku sing diarani samadhi.

WEDARANE INGKANG ARAN LEREM

Meneng iku ora obah tegese ora obah iku ora makarti

Meneng kae dudu padane tembung diam, dene diam iku mbisu (ora nyuworo)

Menengno rogo iku ngleremno poncodriyo, amargo sing dadi pancere rogo iku limang indriyo, yoiku ;

Pandulu-pangrungu-pangambu-pangecap-panggepok

Kalimone iku nunggal pisah, kawengku angen angen, dene awitane nglerem kae siji siji, ora bareng kalimone langsung

Yen sii wus biso lerem ganti sijine ganti sijine maneh lan sakteruse…hiyo iki sing diarani ‘pangrucatan’

Tegese pangrucatan iku pangudaran (gabung, kaudar dadi akeh) kosokbalene pangracutan

Dene pangracutan iku panggabungan (pisahan, ka-awor dadi siji)

PANGGEPOK

Panggepok iku pangroso awak, rosone awak iku koyo ; weruh keri, gatel, adem, panas, alus, kasab (rasaning awak)

Ngleremno panggepok ; hiyo ora makartino panggepok, ora nganggo rosone panggepok ing sawetoro, nalikane panggepok mau wus biso lerem, ateges ora makarti… 

ning kunu awit ono alusing panggepok, yoiku ‘alusing pangroso awak’

Hiyo iku sing sinebut awak alus, awak ingkang manjing ono ing kaalusan, dudu awak kasar iki dudu rasaning panggepok yoiku alusing panggepok

Awak sing ora kasinungan ing gatel keri adem panas ugo alus kasab…

Dadi awak alus kae dudu alusing pandulu ora alusing pangrungu…

Dadi ono ing sajeroning lereme panggepok, ning kunu ono awak ingkang sayekti, awak sing wekasane biso dadi pambukane opo kang sinedyo..

PANGECAP

Pangecap iku rosoning ngecap, rosone ngecap iku koyo ; weruh legi-pait-asin-kecut-isp (rasaning ilat)

Ngleremno pangecap ; hiyo ora makartino pangecap, ora nganggo rosone pangecap ing sawetoro, nalikane pangecap mau wus biso lerem, ateges ora makarti….

ning kunu awit ono alusing pangecap, yoiku ‘alusing pangroso ilat’

Awit dumunung ing kaalusan klawan necep lembuting sari sari kang dadi pikuwating karso

Yoiku pangecap sing wus ora kasinungan legi pait asem asin…

Dene karso iku bedo karo karep, yen karep iku pinuju ing arep, karso iku sadurunge pinuju ing arep, ateges alusing karep..

PANGAMBU

Pangambu iku rosoning ngambu, rosone ngambu iku koyo ; weruh wangi, anyir, amis (gegandhan)

Ngleremno pangambu ; yoiku ora makartino pangambu, ora nganggo rosone pangambu sawetoro, nalikane pangambu mau wus biso lerem, ateges ora makarti…..

ning kunu awit muncul alusing pangambu….

Hiyo awit dumunung ing kaalusan klawan ngirup murnine gegandhan, yoiku : ‘gondho sari’

Dadi pangambu sing wus ora kasinungan wangi, anyir, amis…..isp

Dene alusing pangambu kae kang dadi pikuwating cipto

Kang bakal mujutake sadengah ingkang pinuju, ateges biso anarik gethering karso….

Dadi sa-ciptane, katekan sa-pingine, amargo iku kang dadi larasing sedyo, kang nuju ingkang pinuju…

PANGRUNGU

Pangrungu iku rosoning ngrungu, rosone ngrungu iku koyo ; weruh duwwarrr, jledug, ktreekkk (sworo)

Ngleremno pangrungu ; yoiku ora makartino pangrungu, ora nganggo rosone pangrungu sawetoro, nalikane pangrungu mau wus biso lerem, ateges ora makarti……

ning kunu awit jumedhul ‘alusing pangrungu’

Hiyo awit dumunung ono ing kaalusan klawan krungu ing alusing sworo, yoiku : ’ sasmitoning sabdo’

Yoiku sworo njero ingkang biso nyirep sworo njobo

Ning kunu manungso awit biso mingis maligi panggraitone, lan thukuling ‘prabowo’

Dene ning kunu lagi biso tanggep ing tuwuhing sasmito, ateges landheping panggraito

Titis tetes tatas…

PANDULU

Pandulu iku rosoning ndulu, rosone ndulu iku koyo ; weruh rerupan, wewarnan, cahyo (kawujutan)

Ngleremno pandulu ; yoiku ora makartino pandulu, ora nganggo rosone pandulu sawetoro, nalikane pandulu mau wus biso lerem, ateges ora makarti….

ning kunu awit thukul ‘alusing pandulu’

Hiyo awit dumunung ono ing kayektene paningal

Ning kunu awit tumuwuh waskitoning nala

Yoiku karepe manungso biso dadi hyang dadi dewo dadi gusti ing arcopodo kene….

WEKASANING WEDARAN

Lereming poncodriyo iku biso nukulake alusing poncodriyo

Mulane banjur kaaran ‘dosondriyo’

Yoiku njobo njero kang wus gathuk lan jumbuh njur nunggal

Yen isih wengku winengku ateges durung sampurno nunggale

Dene sampurnane iku yen wus ora mengku ora kawengku yoiku ingkang wus maligi (yekti tunggal kahanan)

Nalikane dosondriyo kae wus sampurno, sayektine biso mengku ing sagung dumadi.

Wiwite pisan pindo ora gampang kang aran meneng ....

Mung soyo lawas soyo biso menengno rogo

Menenge rogo iku ingkang aran samadhine poncodriyo

Samadhine poncodriyo yo lereming poncodriyo hiyo sireping poncodriyo lan thukule alusing poncodriyo.

PEPENGET

Poncodriyo iku roso, ateges sing digawe ngrasakno

Koyo keri-gatel..anyir-wangi..legi-pait..sworo lan rerupan iku sing dirasakno

Sing dirasakno iku terusane sing digawe ngrasakno

Dadi sing dirasakno iku gumantung marang sing digawe ngrasakno

Mulane alusing poncodriyo ora meruhi sing dirasakno poncodriyo

Dadi terusane alusing poncodriyo hiyo aluse sing dirasakno poncodriyo

Dene angen angene hiyo katut dadi alus…………

Ratune poncodriyo dadi ‘ratu dosondriyo’

GAMA BUDHI KAWERUH URIP SAJATI

Podo Rahayuo , Sagung Dumadhi

Read More