Roso Rasaning Manungso

RASAKNO RASANE ROSOMU

Isih akeh wong sing ora podho wikan marang rosone urip.

dikiro anane panggonan anane mongso iku biso anggawe roso

dikiro anane roso iku rupane sing dirasakno

mulo podho bingung golek papan lan mongso

Yo tetep bae nemu bebingung ing saben papan mongso sing ditemokno

ora weruh yen papan lan mongso iku ono amargo anane roso

yo roso sing dienggo ngrasakno

mulo wong yen ngrasakno opo opo gae roso adem hiyo panggah nemu kaademan

amargo papan mongso iku manut marang anane roso

dudu roso manut marang anane papan panggonan

Mulo rasaning urip iku hiyo sing nggelar kahanane papan lan mongso

dudu papan mongso sing biso agawe gelare roso

akeh wong arep lan karep melbu swargo

akeh wong arep lan karep ngemohi melbu neroko

kekarepan kang mangkono iku nuduhno dununge urip sing wus kuwalek, dianggep rasaning urip iku manut papan lan mongso

isih tetep ora ngerti ngertiyo yen gelare papan lan mongso iku gumantung marang pangrasane dewe..

Ono wong kebeg/akeh roso bebingung lan pepanas ing njero dirine

njur melbu swargo....

ning kunu swargo sing dileboni hiyo panggah dadi neroko

amargo papan lan mongso iku ora biso gawe roso pangroso

roso pangroso iku ono ing njero ora ning njobo.

Ono ugo uwong arep ngemohi roso, amargo dikiro isih ono urip tanpo roso,... 

haiyo iku dununge urip wangwungwang kosong raono opo opo, yo dudu opo opo...

pancen ilange roso yo dadi ilange urip..

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Roso Pangroso

ROSO RASANE

Disebut roso pangroso karena roso itu ada beraneka ragam, banyak macamnya..

roso adalah sesuatu yang digunakan untuk merasakan. seperti halnya angan2 adalah sesuatu yang digunakan untuk memikirkn..

roso ; secara garis besarnya ;

-roso kasar

-roso alus

-roso luwih alus

-roso alusing alus

Perbedaan alus kasarnya itu seperti udara dan air...bukan seperti halus kasab/besi kayu..

KAHANANING ROSO

Di dalam roso kasar ada roso alus, didalam roso alus ada roso luwih alus, didalam roso luwih alus ; ada roso alusing alus ; disebut sangkalpa (rosojati)..

bagi diri2 bongso janaloka lebih dominan menggunakan roso kasar, sebab roso kasarnya yang lebih besar..sedangkan diri2 bongso endraloka ; karna roso alusnya yang lebih besar, maka lebih dominan menggunaknnya..

sedangkan diri2 bongso guruloka, akan lebih dominan menggunakan roso luwih alus... takkan mencapai roso luwih alus selama belum meleburkan roso alus..

itulah mengapa kepekaan tiap diri seseorang tidak sama, karena memang roso yang dominan digunakan tidak sama..

ROSONING RUMONGSO

Ialah bentuk kata kerja, dengan secara sengaja menggunakan roso ; roso-rumongso..

karena dengan kesengajaan rumongso membawa kesadaran dirinya, dalam menggunakan roso, berbeda dengan KROSO , yakni secara tidak sengaja mengadakan roso, roso yang timbul secara tidak sengaja (kebetulan)...juga berbeda dengan NGRUMANGSANI ; ialah menggunakan roso sebagai titik balik dalam kesadaran dirinya (pemahaman diri)...ngrumangsani sama halnya seperti NGERTENI... .

SESAMBUNGANE

tiada jiwo tanpa roso

tiada hidup tanpa jiwo

jiwo-roso-hidup ; adalah tunggal

tak ada kesadaran tanpa AKU

tak ada aku tanpa diri

tak ada diri tanpa hidup

tak ada hidup tanpa roso+jiwo

...

Oleh karena semua yang hidup memiliki roso, maka semuanya pun juga dapat menggunakannya ; ngeroso-kroso-rumongso-ngrumangsani..... .

tetapi tetap dalam standart potensinya masing2, menggunakan roso yang mana:

roso kasar ; bertautan dengan angen2

roso alus ; bertautan dengan cipto

roso luwih alus ; bertautan dengan budhi

roso alusing alus ; meleburnya budhi.

*roso kasar : mangan penak turu penak ngombe penak..,..........dst

*roso alus : susah bungah nesu muring wedi wani getun........dst

*roso luwih alus : sih katresnan, tatag, tanpo susah.........dst

*roso alusing alus ; yoiku sejatine roso... .

JOYO JOYO WIJOYO

RASAKNO RASANE ROSOMU

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Poncodriyo Klawan Arcopodo

GAMA BUDHI KAWERUH URIP SAJATI

NGARCOPODO

Iku limang pangroso

.pandulu

.pangrungu

.pangambu

.pangecap

.pangroso awak

Tanpo ono kalimoe, arcopodo iki ora ono

Onoe arcopodo iki hiyo soko onoe kalimo mau

Iku dununge sing dirasakno..sing digae ngrasakno..lan sing ngrasakno..

Gelare arcopodo :

.rerupan lan wewarnan

.sworo

.gegandhan

.legi, kecut, pait, asin, sepet isp

.gatel, keri, alus, kasab, adem, panas

Onoe rerupan iku soko onoe pandulu, lan sirnoe rerupan iku soko sirnoe pandulu, mung ono lan sirnoe iku bareng.

Sworo.gegandhan.legi kecut.adem panas hiyo mangkono, sing ono soko onoe poncoindro

Kalimo limoe ikuloh sg anggelar onoe arcopodo..

Arcopodo iku jagad gedene poncodriyo

Poncodriyo iku jagad cilik

Poncodriyo iku arane roso wadag..poncodriyo diwengku angen angen..yo angen angen iku sing dadi ratune poncodriyo..

Yo ning kunu njur diri muni, arcopodo iki pancen ono..

Mangkene ;

Roso wadag+angen angen+diri = wong bongso donya

Gelare ;

Arcopodo iku jagad gede, ateges sing DIRASAKNO

Roso wadag iku jagad cilik, ateges sing DIGAWE NGRASAKNO

Diri iku sing NGRASAKNO.

Anane sing dirasakno iku gumantung marang sing digae ngrasakno, contone ; anane sworo iku gumantung marang anane pangrungu, sworo ora ono kanggone liyane pangrungu, amargo sworo iku jagate pangrungu, dudu anane pangrungu soko anane sworo..

Dene sing digae ngrasakno iku gumantung marang anane SING NGRASAKNO..

Mulo sajatine sing dirasakno iku ora ono, mergo anane manut sing digae ngrasakno, sing digae ngrasakno iku sajatine ora ono, mergo anane iku manut marang 

onoe SING NGRASAKNO..

Yoiku gelare urip ora nekani papan mongso, anane urip ora soko anane jagad, ananging anane jagad iku soko anane urip, jagad ora nggelar urip, nanging urip iku sing nggelar lan nggulung jagad, urip iku ora manut kahanan nanging kahanan iku manut urip, jagad ora gawe urip nanging urip iku sing gawe lan gelar jagad.

Amargo angen angen iku ratuning arcopodo, mulo kabeh wong donya iki mujo angen angen, hangawulo marang angen angen.

Ning arcopodo (janaloka)

Ono swargo narokoe

Yoiku kepenak lan ora penak

Kang ateges swargo narokoe angen angen

Arupo kesenengan lan sengsorone rogo

Manungso sing gedhe jiwo kawadagane

Yoiku blegere wong bongso donya

Ono wong bongso donya

Ono wong bongso alus

Ono wong bongso dewo

Ono wong bongso pengeran

Dununge kabeh mau dewe dewe

Manut marang jiwoe

Gumantung marang gedhe cilik.e rosoe

Awit kajaten.guruloka.endraloka iku kalingkep janaloka kanggone wong bongso donya

Kajaten.guruloka hiyo kalingkep kanggone wong bongso alus

Kajaten iku kalingkep kanggone wong bongso dewoto

Amung wong bongso pengeran bae sing biso cetho marang anane kajaten.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Podho Rasane Mung Bedo Karepe

PODO ROSO BEDO RAHSO

GAMA BUDHI KAWERUH URIP SAJATI

Wong ngudi kasampurnan iku kang diudi : kasucian, kabeningan, kaweningan.

dudu wong golek bungah koyo wong main, rame.rame, ngombe enak, nyanding bondho, mangan enak isp ; kang mangkono iku arane ngudi pepisahan soko kabungahan. 

dadi engatase wong kang lali mesti banjur 

ngiro, disengguh yen wong ngudi kaweruh iku ora duwe seneng babar pisan, amargo tansah susah jalaran mekak pepinginan kang kasar (howonapsu), mestine ya kudu eling yen seneng munu rasaning pengarep.arep kang katekan, awit soko iku ora ono bedane babarpisan karo sing bungah.bungah lan ngenak.enak, amargo kabeh.kabeh podho duweni pangudi lan pangarep.arep ugo podho murih katekane, 

Bedane iku mung mangkene :

Kang seneng marang kabungahan ora marem.marem, 

kang seneng marang kawruh duwe marem.

Kang seneng marang kabungahan ora bisa tentrem, 

kang seneng marang kawruh sangsoyo lawas soyo tentrem.

Kang seneng marang kabungahan bakal karusakan, 

kang seneng marang kawruh sangsoyo nyedhaki karahayon.

Kang seneng marang kabungahan akeh susahe, 

kang seneng marang kawruh sangsoyo satitik susahe.

Kang seneng marang kabungahan tansah bingung, 

kang seneng marang kawruh sangsoyo padhang.

Sakehing seneng iku PODHO

(mung kacek mlarati karo manfaati).

Mulane kang ngudi kawruh ora perlu gimir, meri, kepencut, ngersulo utawa cilik.aten.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Alus Kasaring Roso

[ Kasar Lan Alusing Roso ]

GAMA BUDHI KAWERUH URIP SAJATI

Beda.bedaning manungso, iku katarik soko alus kasaring roso pangrosone
ono kang banget aluse, ono kang banget kasare..
pepindhane koyo : pucuking driji karo dlamakan.
pucuking driji biso mbedakake gegrayangane :
sutra,bludru,kapas,kasa,kikir,rempelas, nanging dlamakan ora biso.
pucuking driji gampang krasane, dene dlamakan angel krasane.

Manungsa kang kaupamakake koyo pucuking driji, enggal kroso lan nggraito yen ngrungu pitutur, lan enggal biso mbedak.mbedakake kang perlu lan kang ora, bisa nimbang kang alus lan kang kasar, anggegem kenceng marang nalar kang wigati,
lan tansah ngintip.intip nalar kang bener lan becik.

Ananging kang keno kaupamakake dlamakan : tanpa gawe ; panggugah, penget, kojah, carita, tepo tuladha, pasemon...amargo kabeh ora ono kang kroso ing rosone, amargo rosone kaling.lingan ing rahsa kasar (kasatoan) kang kandel koyo kapale dlamakan.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More