GAMA BUDHI KAWERUH URIP SAJATI

SAMBUNGE SERAT JIWO

Serating Jiwo

Kang ateges tulisaning jiwo

Hiyo lukisaning urip

Hiyo Kahananing jiwo

Jiwatma jiwondo jiwodono

Nalikane ono susah hiyo mesti ono bungah

yen karepe katekan ono bungah

yen karepe ora katekan ono susah

iku nuduhno yen isih kasar rahsane

yen jiwoe isih kandhel wuwulane

hiyo nuduhno yen isih kasar rosone

mertelakno yen isih cilik dirine

yen isih bocah kamanungsane.......

Uwong Lan Kekarepan

Wong karep wong angon karep (pepinginan)

iku ora ono salahe, jenenge urip yo duwe karep

awit tetuwuhan, gegremetan hiyo duweni karep

mung sadengah urip iku pikarepe ora podo

amergo bedo bedone sing ndasari karep

hiyo bedoning sangkan tuwuhe karep

ono sing soko cipto, rahso, karso ugo roso

arane karep iku yen pinuju ing arep

dadi onoe karep iku amargo onoe SING DIKAREPNO

lha onoe sing dikarepno iku amargo onoe SING NGAREPNO

Nalikane ono karep katurutan ; bungah

yen ono karep ora katurutan ; susah

sing karep iku ora luput, dene sing luput iku sing angon susah

dedhasar angon susah, mulane susahe tuwuh subur gedhe uwite

yoiku sing dadi jalarane uwong : kagetan, nggumunan, mringis....isp

yoiku uwohe tanduran susah, pang pange roso kanerakan..

Kabeh kabeh karep penak kepenak

mung penak kepenak iku ora podo ukurane

amargo bedo bedoning diri yo bedo bedoning jiwoe

penak kepenak iku amung roso, dene roso iku amung piranti SING DIGAE NGRASAKNO

dene sing digae ngrasakno iku gumantung marang SING NGRASAKNO

sing ngrasakno yoiku si diri ateges UWONGE....

dadi ukurane penak kepenak iku ora dumunung ning 

SING DIRASAKNO yo ora ning SING DIKAREPNO..

dene bungah susah iku gegandengan ing salawase, ateges kahanane iku nunggal pisah

podo koyo kuwater lan getun iku hiyo nunggal pisah

ojo wedi wedi, marang opo bae madep opo bae ra usah wedi wedi

tegese manjing swargo iku ora gowo susah dudu ora gowo duso dene

kecemplung naroko iku amargo ora gowo bungah dudu mergo ora gowo pahala

dadi swargo naroko iku iyo nunggal pisah

swargo naroko ikuloh bleger kahananing bungah susah

Melbuo swargo, yen isih gowo susah iku tegese ngobong swargo

dadine yo kecemplung naroko

melbuo naroko, yen isih gowo bungah iku ateges nyiram naroko

dadine yo manjing swargo

sing nggelar jagad iku urip

sing nggelar papan mongso iku yo urip

sing dirasakno iku ORA ONO tanpo anane sing digae ngrasakno

sing digae ngrasakno iku ORA ONO tanpo anane SING NGRASAKNO

mulane dadine jagad iku gumantung marang SING NGRASAKNO

yoiku si diri si urip...

NIRWONO

Nalikane bungah susah wus lebur...

ora ono maneh sing digetuni ora ono maneh sing dikuwatiri

arep ono ing endi endiyo panggah wani

ngalami, nandangi opo bae yo ora getun mburi

hiyo ora kuwatir marang opo bae sing diadepi

yoiku sing diarani 'tatag'

Wani lan wedi iku yo piranti sing digae ngrasakno (roso)

wong wong bongso nirwono iku wus nglebur wedi

ugo wus nglebur susah, dadine tanpo susah tanpo wedi yoiku tatag

jiwoe wus salin rupo luwih alus ; yoiku jiwo kadewatan (bongso guruloka)

dadi ora ono jiwo bongso kadewatan gowo susah bungah ugo getun kuwater...

Mulane arep urip ing endi endiyo panggah wani bae

arepo ning jagad alus ning njero lemah ning awang uwung hiyo tetep tatag

urip ing mongso mbesok mbiyen saiki ; tetep wani bae

uripo dikoyo opo......... tetep wani yo panggah tatag bae.

TOTO TITI TENTREM

Tinoto tiniti tentrem pungkasane

tlitinen bedane sing dirasakno klawan sing digae ngrasakno

banjur meruhi sing ngrasakno

tuwuhe sih kang tumuwuh nalikane wus lebur dhemen lan gethinge

lebure dhemen iku : tresno

lebure gething iku : prihatin

prihatin iku dudu koyo nelongso opo sumusah opo duko loro

prihatin iku welas, welas marang pepadhaning urip

kabeh kabeh diwelasi...

tresno iku dudu dhemen dudu seneng, tresno iku sih, sih iku nugroho

ono sih pribadi, sih suci, sih mardiko, sih rahayu....isp

dene sih iku tumuwuh soko kaweningan 

ingkang tanpo tetimbangan ingkang tanpo pamrih

ono tresno ono prihatin, mulane banjur ono welas asih..

Tentrem kae ora dumunung ing papan yo ora dumunung ing kekarepan

ora ono ning sing dikarepno yo ora ning sing dirasakno

tentrem iku wekasane tinoto lan tiniti

tanpo toto titi yo ora ono tentrem

mulane ono wulang wuruk semedi

kanggone noto lan niti

supoyo salin rupo jiwoe

supoyo dadi alus rahsane

supoyo sarwo raras sarwo seneng

supoyo sing digae ngrasakno biso lebur nunggal : salin rupo ; salin kahanane

dadi luwih alus lan luwih edi rupane

dadine luwih bagus seratan jiwoe.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

SAMBUNGE TRADISI JOWO

Monggo tresno budoyo

Budoyo jowo linangkung utomo

Utomoning kinaweruhan cetho

Welo welo ing sirnoing grahono

Hoo kabeh wong jowo njawontoho

Anoto aniti dumadiyo kertoraharjo

Klawan nguri nguri tinggalaning leluhur niro

Hiyo jawoto nukating tanah jowo

Awit boso kaweruh ugo budoyo

Ingkang lugu yektine racuten

Rucaten yekti ingkang awor wuwulan

Mulo tanggapo ing kabeh sasmito

Sasmitoning pralambang weninge sunyo.

RUWATAN

Yoiku tradisi jowo mbuwang sengkolo

sengkolo iku arupo apes, dene apes iku maneko werno

awit loro loronen, keno ciloko, gagal usaha lan liyo liyone kabeh

kaapesan kaapesan iku ora nylarase pamikire angen angen

hiyo macem.maceme sing ora ngepenakake

wong sing akeh banget apese iku perlu diruwat

dene sayektine kang rinuwat iku ciptone

ruwatan iku ora nganggo dungo dungo ugo jampa jampi

dibisao ngruwat awake dewe, yen ora biso mestine rinuwat dening wong liyo sing biso..

dene bisane uwong liyo ngruwat iku yen deweke ora nandang sengkolo

ateges ora patut diruwat, yen podo podo patut diruwat hiyo mesti bae ora biso nguwat..

NGRUWAT

Yoiku nganggo siraman banyu kembang : banyune sumber (sumur), kembange mawar abang..

disiramno koyo ngedusi bocah cilik..

Ing wayah isuk, nalikane srengenge durung panas sorote…

SUNGKEMAN

Yoiku tradisi jowo ngambung lutute wong tuwo

tegese wong tuwo iku sing ngrumat siro awit laer/bayi

yoiku ibu lan bopo.....

sungkem kae soko tembung 'sengkem' kang ateges dengkol/lutut

iku budayane jowo sing dilakoni ono ing rong mongso

siji ; mongso ketemu

loro ; mongso lungo

nalikane suwe ora ketemu, yen ketemu sungkem

nalikane sabendino ketemu, yen lungo sungkem

hiyo koyo mangkono iku patrape wong jowo nalikane lungo teko

yen siro lanang ngambungo lutut sing tengen

yen siro wadon ngambungo lutut sing kiwo

dudu salim ora salaman ora sujud ora ngambung sikil, ananging sungkem.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Tembung Boso Jowo

KAWERUH TEMBUNG BOSO JOWO

GAMA BUDHI KAWERUH URIP SAJATI

SINAU BOSO JOWO

Sinau Tembung Boso Jowo Kuno

Kaaran boso kawi

Ateges wiwitan utowo kawitane boso

Awit ngoko madyo kromo iku

Boso jowo ing mongso kasusastran

Yoiku mongsoning jowo jawi

BAHASA INDONESIA : BAHASA JAWA

BUMI : Bumi, Bawono, Basundoro, Mandolo, Pratiwi, Pratolo

MATAHARI : Srengenge, Baskoro, Arko, Aruno, Prabangkoroo, Diwangkoro, Radite, Suryo

BULAN : Rembulan, Sasi, Wulan, Ratih, Kirana, Sangkoro, Bodro, Sasongko, Condro

BINTANG : Lintang, Sudomo, Trenggono, Sukro, Ganero, Karwikoyo, Kartiko

LANGIT : Angkoso, Rawisworo, Jumantoro, Antarikso, Lirang, Gegono, Boma, Dirgantoro

GUNUNG : Wukir, Ancolo, Parwoto, Aldoko, Dri, Argo, Giri, Maloyo

LAUT : Segoro, Jolodri, Ernowo, Jolonidhi, Samudro

HUTAN : Alas, Wono, Rimba, Taratab, Pringgo, Jenggolo

SEMESTA : Jagad, Rat, Wretiko, Lokika, Paramusito, Pramudito

ANGIN : Angin, Bayu, Bajro, Wayu, Wawono, Sadoko

API : Geni, Agni, Bromo, Pawoko, Anolo, Grakso, Dahono

AIR : Banyu, Jolo, Toyo, Woyo, Her, Sindu, Sundo, Udoko, Tirto

TANAH : Lemah, Kismo, Siti, Bantolo, Bumijo

UDARA : Udara, Awang awang, Ambara, Nawasanga, Tawang, Namu namu

BADAI : Lesus, Poncowora, Bajropati, Prahara, Sindhung bisoko, Maruto

MEGA : Imantoro, Nirodo, Kuwera, Sanggono, Wataragono

MENDUNG : Mendhung, Andanu, Rawan, Rumung, Danuro, Windakoro, Jolodoro, Jolodho

GUNTUR : Gelap, Grakso, Kupoko, Guntur, Bledheg

GURUH : Gludhug, Gurnito, Guruh, Gepoh, Gurno

PETIR : Kilat, Tathit, Laban, Procolito, Wagyuto, Wagyutmoko

HUJAN : Udan, Riris, Warso, Wawarso, Wresti, Jawah, Jaweh, Jawuh

Lor, Kulon, Wetan, Kidul

Eka, Dwi, Tri, Catur, Panca, Sad, Sapta, Hasta, Nawa, Dasa

MERAH : Abang, Rekto, Abrit, Dadu, Ambranang

HITAM : Ireng, Langking, Kresno, Cemeng

PUTIH : Puteh, Pingul, Pethak, Seto

KUNING : Kuneng, Kapuranto, Pita, Jenar

HIJAU : Ijo, Ijem, Wilis

BIRU : Biru, Nila, Maya

------------------------------------------------

CAHAYA : Cahyo, Lengkowo, Kaluwung, Tejo

DARAH : Getih, Marus, Ludiro, Rah, Rudhiro

TUBUH : Awak, Onggo, Tuhu, Linggo, Kawonggo, Sariro

HATI : Sota, Drongso, Cita, Nolo, Twas, Tyas

PERASAAN : Galih, Driyo, Cita, Praya, Ambek, Budhi

ATI : Kulung, Kukulung, Talatnyono, Lembono

MATA : Mripat, Soca, Locana, Tingal, Nayana, Netro

BUNGA : Kembang, Sekar, Puspito, Gito, Puspo, Kusumo

IKAN : Wiyanggo, Mina, Jita, Maswo, Iwak

BINATANG : Sato, Atogo, Satwa, Wregono, Mergu, Lubono

BURUNG : Manuk, Kukila, Peksi, Garuro, Saimbro, Kogo

TEMPAT : Enggon, Papan, Podo, Swono, Sono, Loka, Astono

RUMAH : Omah, Griyo, Yoso, Panti, Wismo

MATI : Sedho, Leno, Praloyo, Antoko, Lalis, Pejah

HIDUP : Urip, Gesang, Daru, Tubu, Atmo, Jiwito

ORANG : Wong, Jono, Janmo, Uwong

MUDA : Nom, Nem, Mudha, Taruno

TUA : Tuwo, Sepuh, Wredha

WANITA : Arum, Estri, Reni, Retno, Dyah, Duhito, Wanito, Wanudyo, Padni

LELAKI : Lanang, Priyo, Janoko, Jaler, Gono, Noro

PESANGGRAHAN : Panekungan, Pasemaden, Paheningan, Pahoman, Pasemadyan, Pamursitan, Pamelengan

KERATON : Kedhaton, Karatyan, Pura, Puri, Purono, Puroko

RAJA : Narendro, Narpo, Dipa, Sinuhun, Katong, Sri, Prabu, Pamoso, Rojo

RATU : Garwo Rojo, Narendro Garini, Nareswari, Notoreni, Duhito, Padmi Noto, Prameswari

MAHARAJA : Ratu

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

TRADISI JOWO

Punden - Pepunden - Dhanyang - Si mbahurekso

Tradisi iku kebiasaan sing wus turun temurun

ning tanah jowo ono tradisi pundenan ugo dhanyangan

biasae kaaran bersih deso

Saben daerah utowo wilayah iku mesti ono sing miwiti manggoni

yoiku sing mbabat alas, kaaran sesepuh

dudu uwong sing dituwekno, nanging wong sing kawitan manggon ning kunu

nalikane sesepuh kae tilar donya, papan omahe disebut punden, njur wangkene ditunu, dilawu ning kunu lan digaweno reco ning duwure, kaaran punden berundak

kanggo ngelingi ; ikiloh pepundene ; sing mbabat ; sing dadi sesepuh

mulo ono ritual pundenan, yo nyebar kembang setaman gae simbol kasempurnaan..

Si mbahurekso arane, hiyo mbahe sing njogo sawijining papan, simbah mau saiki kaaran dhanyang

wiwit anane seratan sabdopalon noyogenggong ; 'aku iki ratuning dhanyang tanah jowo'

si mbahurekso iku dumadi sing durung jalmo..

mangkene ; nalikane rogo tuwo njur rusak, mung suksmo, badan, nyowoe ora rusak, ning kunu uwonge ngrambyang nganti rusake suksmo..nalikane rogo suksmoe rusak, mung badan klawan nyowoe ora rusak, iku kaaran dhanyang..nalikane rogo suksmo badan rusak tanpo rusake nyowo arane karuhun..

bongso krambyangan, dhanyang ugo karuhun iku dumadi sing durung jalmo, ateges ngalami pati ora sampurno

bongso karuhun kae nyowoe luwih santosa tinimbang rogo suksmo badane (jiwo klawan nyowo)

krambyangan kae suksmoe luwih santosa tinimbang rogo badan nyowoe (jiwo klawan suksmo)

dhanyang kae badane luwih santosa tinimbang rogo suksmo nyowoe (jiwo klawan badan)

si mbahurekso iku asale wong sekti bongso kaendran, mati tanpo ngrusak badane, ning kunu ndhanyang nganti tekan mongso rusak badane, hiyo njogo papan uripe nalikane isih dumadi (dhanyange deso)..

Tradisi dhanyangan iku linakonan kanggo ngungkapno matur k'suwun marang si mbahurekso

iku dudu bangsane dedhemit, memedhi, ugo lelembut..

si mbahurekso iku ngawulo marang sawijining deso, tumujune mung marang raharjaning deso..

ono sing disebut kumoro, yoiku sworo sing dirungu wong akeh tanpo ono rupane, sworo sing muncul soko kaheningan

iku tondo soko si mbahurekso, nalikane ono pekewuh..

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

GAMA BUDHI KAWERUH URIP SAJATI

JANGKEPE KAENDRAN

"Bethoro-Lelembut-Dedhemit-Memedhi-Peri Prayangan-Bongso sarpo-Brekasaan-Siluman"

Kaendran ateges jejagading bongso alus, yoiku endraloka

bongso alus kang wus sampurno kaaran bethoro

bongso bethoro iku sing kuoso marang kaendran

wong kaendran, hiyo bongso endraloka iku jalmo dudu dumadi

dene bongso dumadi iku ngenggoni arcopodo (janaloka)

Bongso bethoro iku bedo karo bongso lelembut

dene bongso lelembut iku wong kaendran sing ngudi kasampurnan

koyo sing kaaran gandaruwo, iku sawijining bongso lelembut

ugo sing diarani mustikaning jagad iku hiyo lelembut

bongso lelembut iku wus ora dhemen tetulung marang kabeh dumadi

ugo ora dhemen nggudo bongso dumadi

bongso lelembut iku mung ngupoyo dhirine nuju kasampurnan

ateges sampurnaning wong kaendran

Bongso lelembut bedo karo bongso dedhemit

dedhemit iku biso srawungan karo manungso

hiyo dhemen lan gelem tetulung marang manungso

dedhemit keh kehane ono ing pegunungan utowo alas

Bongso dedhemit hiyo bedo karo bongso memedhi

sing kaaran memedhi iku koyo wewe gombel, ndas glundung, colok isp...

yoiku wong kaendran sing dhemen nggudo manungso

ateges dhemen jail marang manungso

Bongso memedhi iku bedo karo peri prayangan

bongso peri iku sawijine wong kaendran sing manggon ing pucuke wit witan

jejuluk putri kembang

dene peri prayangan bedo karo bongso sarpo

bongso sarpo iku wong kaendran sing ngenggoni rowo rowo

bongso sarpo iku dudu bongso brekasaan

dene brekasaan iku wong kaendran sing jejuluk leletheking jagad

yoiku sawijine wong kaendran sing ora duwe tuju opo opo

hiyo ora arep anggayuh opo opo

Dene siluman iku wong kaendran bongso moyo

bongso siluman praupane hiyo praupan moyo

koyo asu baong, jaran penoreh isp..

sing mesti bongso siluman iku ndunungi pesugihan

lantaran nganggo tumbal nyowo

koyo tuyul ugo buto ijo iku hiyo siluman

sing diramut manungso kanggo pesugihan

Kang koyo mangkono kabeh iku podo2 wong kaendrane

mung bedo jejagate..

terange mangkene :

ning arcopodo iki ono bangsane manungso, bangsane gegremetan, tetuwuhan, sato isp..

sing kabeh mau podo podo bongso dumadi mung bedo jagate..

jagate manungso bedo karo jagate wedus sapi

dene jagate wedus sapi iku suket gegodhongan

manungso biso ngenggoni jagate wedus sapi

mung wedus sapi ora biso ngenggoni jagate manungso

mulo uwong biso mangan gegodhongan nanging wedus sapi ora biso ngombe kopi

manungso biso weruh wedus sapi ananging wedus sapi

weruhe marang manungso ora jangkep

bedo maneh karo bangsane tetuwuhan, iberan ugo gegremetan

podo podo urip ing arcopodo mung bedo jagad uripe

iku pepindhane bongso bethoro - siluman

Sing koyo mangkono iku amergo jiwoe ora podo

mulo gelar jagad uripe hiyo bedo

wong kaendran iku jiwoe jiwo alus

jagate hiyo alus, mung alus iku dadi kasar kanggone sing luwih alus

angin iku alus, mung iku kasare udara, udara hiyo alus mung iku kasare howo.

PEPENGET

Praupan utowo rerupan iku dudu jagate urip, ananging iku jejagading pandulu

Alus kasar dudu alus kasab, alus kasab iku lembut ora lembut

alus kasar iku njobo njero, koyo dene lemah klawan banyu ; lemah iku kasar, banyu iku alus ; lemah ora biso ing njerone banyu, mung biso kumambang ing banyu

dene banyu biso ing njerone lemah, amergo banyu luwih alus tinimbang lemah, banyu iku alus mung udara luwih alusan maneh

mulo banyu ora biso ing njerone udara, bisane mung kumambang ing udara ; nanging udara biso ing njerone banyu

Ning kaendran iku ono swargo lan narokoe ; mung swargo narokoe iku alus

ora podo karo swargo narokoe arcopodo, mangan enak turu enak iku rogo ; swargoe arcopodo

koyo nesu, muring, dhemen, bungah, gething, susah iku rahsa ; swargo narokoe kaendran

Swargo narokoe endraloka iku hiyo bedo bedo, bedo ing kaalusan

kaalusan sing koyo epek epek karo driji tangan sing nggrayah2..

ono sing alus, kurang alus, kurang alusan maneh...

Sing ndunungi bongso bethoro nganti siluman iku dudu rupane ananging jiwo-roso-uripe

jiwo roso urip iku tritunggal

Nunggal iku ono nunggal pisah ono nunggal lebur

nunggal lebur iku salin kahanan, nunggal pisah ora salin kahanan

Wong kaendran iku dhiri dhiri bongso endraloka

Wong bongso kaendran iku dhiri dhiri janaloka sing ngemperi wong kaendran

Wong kaendran iku jalmo urip ing endraloka

Wong bongso kaendran iku dumadi sing mirip jalmo endraloka ; sing mirip dudu rupane ananging jiwoe

Ora kabeh manungso iku jiwoe jiwo bongso janaloka ; ono sing bongso kaendran, kadewatan ugo kajaten

Dene sing kaaran bongso iku : urip sing wus ono rupane

koyo lamphor ugo jrangkong iku hiyo dudu bongso kaendran ; iku bangsane teluh

koyo bongso karuhun-dhanyang-krambyangan iku dudu bongso kaendran ; iku dumadi sing durung njalmo

sing ngrambyang iku dununge jiwo janaloka durung jalmo

sing dhanyang iku dununge jiwo endraloka durung jalmo

sing ngaruhun iku dununge jiwo guruloka durung jalmo

ateges durung jalmo naliko rusake rogo, patining dumadi iku dumunung ing :

dumadi wurung jalmo (rengkarnasi)

dumadi durung jalmo (ing antoropodo)

dumadi ingkang jalmo (bongso jalmo)

Ono wong weruh bangsane kaendran, weruh klawan jangkep utowo kesamaran

iku olehe weruh mesti amergo ono sesambungan (gathuk)

Gathuk - Jumbuh- Nunggal (nyawiji)

nalikane ngarani ; ning kono ono dhemite, iku mung rumangsane bae

sing ora rumongso yen nang kene hiyo ono dhemite

Triloka : janaloka-endraloka-guruloka

saknjerone janaloka ono endraloka, saknjerone endraloka ono guruloka

mulo endraloka iku ora ning kono, nanging ning kene, mung kahanane alus

olehe ngarani ning kono iku amergo ORA KINAWERUHAN ING KENE

Bangsane bethoro weruh bangsane lelembut, 

dene lelembut olehe weruh bethoro iku ora jangkep (sathithik)

bangsane lelembut weruh bangsane dedhemit, 

dene bangsane dedhemit ora weruh lelembut kejobo mung sathithik

koyo mangkono sateruse...

Weruh iku ora mesti ndulu, ono weruh sworo, ono wweruh gondho, 

dene pandulu mung weruh ing rerupan-wewarnan

Ora ono dumadi weruh endraloka kejbo wong bongso kaendran ; 

ora ono dumadi weruh guruloka kejobo wong bongso kadewatan..

Manungso manunggale roso iku nunggal pisah, koyo dene wutuhe rogo, dudu nunggal lebur ; dene lebur iku ono : lebur musnoh ono lebur nunggal

lebur musnoh iku sirno kahanane ; lebur nunggal iku salin kahanane

Urip klawan jagate iku nunggal pisah ; jagad cilik klawan jagad gede hiyo nunggal pisah

dene nunggal lebur iku koyo pepanganan sing dipangan

utowo koyo kedadian lakuning maruto nunggal klawan howo dadi ; 

lidhah (kilat), gludhug, ugo gelap (bledek).

SAMBUNGE KAENDRAN

Ing bongso siluman isih ono sapirang pirang bongso

sing isih kelbu bangsane siluman

sapirang pirang mau awit bedo ing jinise

ing bongso brekasaan ugo akeh macem jinise sing bedo bedo

ing bongso sarpo hiyo akeh macem jinise

mung tetep bongso sarpo

ing bongso peri prayangan ugo mangkono

ing bongso memedhi dedhemit ugo lelembut duwe pirang pirang macem jinise

mung ning bangsane bethoro ora ono macem jinise bethoro

ora ono perangan liyo, kejobo mung bedo ing sesebutan (jeneng)

Mangkene gamblange :

Ono wong bongso kaendran, jiwoe ngenggoni bongso dedhemit, nalikane jiwoe soyo alus, nyedhaki bongso lelembut, ning kunu njur mandeg kaalusane

jiwoe hiyo isih durung salin rupo, mulane hiyo isih tetep bongso dedhemit, mung kaalusane bedo, hiyo dudu bongso lelembut

wong bongso lelembut hiyo mangkono, isih durung salin rupo, mung wus mandeg, dadi tetep bongso lelembut mung bedo kaalusane

pepindhane ;

pomo jiwo lelmbut iku warna ijo ; jiwo bethoro warna abang

ning kunu warna ijo durung dadi abang, isih ijo semu biru ; ijo semu kuning ; ijo semu abang...

koyo mangkono sateruse.

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Kesucian ( kasukcen )

GAMA BUDHI KAWERUH URIP SAJATI

KASUKCEN

Cộkrọ mặhkutợ ubengậning doyớ

Sụmebặring larậs rụnụt kiniterẫn

Sạngkan dặdi parận kedấdẹan

Pặran dẳdi sạngkan kedadẹần

Dădine rerừpan cethở ịng pandụlu

Sịng kậton sing sẫmar ugờ ơra kầton

Gẽbyar sesẫmbữngan ing kằselarầsane.

Doyo adem biso dadi banyu

Doyo panas biso dadi geni

Doyo petheng biso dadi lemah

Doyo padhang biso dadi udara

Yoiku kedadeane patang unsur bawono

Sucine rogo suksmo iku ora ono, mung isih biso murni

Sucine badan nyowo ugo ora ono, mung isih biso murni

Sucining jiwo roso iku ono, ateges jiwo kang wus ucul soko sakehing wuwulan (kecampuran), yen jiwo wus tanpo wuwulan rosoe ugo tanpo wuwulan kaaran sangkalpa

Nalikane jiwo isih kawuwulan roso ugo isih kacampuran ateges ora suci.

Wuwulaning jiwo hiyo doyo soko sapirang pirang jiwo

Wuwulaning roso hiyo doyo soko sapirang pirang roso

Doyo wuwulan ing sangkan kedadeane

Tegese suci dadi ora suci iku mergo kawuwulan, kawuwulan iku kecampur mung ora nunggal klawan campurane, mulo sing asal suci hiyo biso bali suci maneh.

Bedo karo murni, asale murni balio murni tetep ora biso dadi suci, amargo sangkane ora suci, pomo dadi suci iku podo koyo nyowo dadi jiwo, genahe sing mangkene iki tetep keduwe jiwo, dudu nyowo, ora ono nyowo iku suci....

Podo ugo kahananing jagad iku hiyo ora ono kang suci, amung ono kang murni, yoiku sunyi sepi. 

Awit angin, angkoso, udan, guntur, kilat, srengenge, lemah, banyu, geni lan sapanunggale kabeh, iku tetep sangkane mung murni ora suci.

Suci iku mesti murni, murni ora mesti suci... 

Suci iku biso reget mung ora biso nunggal klawan rereget (wuwulan) 

Murni hiyo biso reget lan reregete biso nunggal

Suci iku dudu sifat dudu watak tabiat, suci iku bleger kahanane.

PENGETAN

Reget, suci, murni, wuwulan iku ora ngungkapno becik olo luput bener opo dene padhang petheng.. 

Amung mertelakno blegere kahanan.

Samono ugo ora ono diri kang suci, ingkang biso suci iku amung pribadi, ananging diri isih biso murni.

Jiwo+roso+diri : aku

Jiwo+rosojati+pribadi : ingsun

Aku klawan ingsun, yoiku sing disebut Kesadaran

Si aku : kesadaran urip bongso triloka

Ingsun : kesadaran urip sejati, bongso kajaten.

KESADARAN

Aku - Dhiri - Roso kasar - Angen angen = Janaloka

Aku - Dhiri - Roso alus - Cipto = Endraloka

Aku - Dhiri - Roso luwih alus - Budhi = Guruloka

Ingsun - Pribadi - Rosojati - Elinge roso = Kajaten 

-------------------------

Rogo - Suksmo = Angen angen - Cipto - Poncodriyo - Astendriyo

Badan - Nyowo = Aura - Prana - Tilasingdriyo - Rahso - Karso

Jiwo - Roso = Urip

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Wedaraning Sukmo

GAMA BUDHI KAWERUH URIP SAJATI

WEDARANING SUKSMO

Bleger rupane cahyo telung lapis

Dhasare kuning semu abang

Tengahe ijo moyo moyo

Njabane abang semu biru

Yoiku kang aran suksmo, dununge ora keno dinulu dening mripat wadag

kang luwih alus tinimbang kabeh piranti uriping rogo

mulo hiyo luwih santosa doyoe, sing dadi panguwating piranti ing sajeroing rogo

awit rogo alus nganti rogo kasar pikuwate hiyo soko suksmo

jalaran suksmo iku kang nuwuhake cipto lan ripto

cipto iku wangune doyo angen angen

ripto iku engetane cipto sing wus kasimpen

Dene aura iku soko badan (awak alus) dudu soko suksmo

Amergo kabeh urip ing arcopodo iki duweni badan

Wiwit tetuwuhan nganti manungso, mulo kabeh mau hiyo duwe aura

yoiku pancaran cahyoning urip (tejo), onokalane terang onokalane redup

cahyo sing asale mung putih mencorong, biso dadi sapto werno

amergo mobah mosike cipto, anjalar ing badan

hiyo badan sing nglimput njobo lan njerone rogo

dene doyoe badan ikulah sing diarani prana

iku sing biso aweh waras lan leloro marang rogo

sing thukul soko sanu (yoiku bibite loro lan waras)

Anane rogo iku soko anane suksmo

Mulo saben ono rogo mesti bareng anane suksmo

Mung ora saben suksmo ono rogone

Kaaran setitah, iku suksmo tanpo rogo

Urip urip sing sandangan suksmo

Isih bongso titah, durung tumitah anggelar rogo

Kang aran titahing suksmo iku setitah kang tumitah 

Tumedhak ing arcopodo kaaran dumadi (hiyo bangsane daden daden)

Dadi bangsane sato maneka werno opo dadi bangsane manungso

Suksmo anggelar rogo iku suksmo miwiti nyandang rogo

ono ing sajeroing kandutan

yoiku jagad pangrantunan (papane entunan/cithakán)

Ono kasuksman ono kamuksan

Kasuksman iku meruhi sangkane suksmo nganti meruhi ingkang aran hyang suksmo

Utowo suksmo kawekas, iku ono ing jaman siddyam nganti ing saiki

Jaman wiwit onoe purwodadi ( hiyo purwane ono dumadi)

Yoiku srengenge, mbulan, lintang, pramono/bebakalane bawono

Dadi ning kaweruh kasuksman iku meruhi sangkan paraning bawono

diwiwiti anane suksmo kawekas sing dadi gurune kabeh dumadi

nganti kahuripan kahuripan ing jaman siddyam

asale purbojati, anane suksmo suksmo ugo anane titahing suksmo....

bisane meruhi iku hiyo nganggo ciptane dewe

cipto kang wus sambung klawan hyang suksmo

iku arane murih sasmitaning suksmo kawekas

bibit asal muasale kabeh dumadi, kang ono ing jagading titah

iku arane teori penciptaan ( kaweruh sangkaning bawono)

Dene kamuksan iku kaweruh angrancut rogo

Meruhi suksmo sing arep ambuntel rogo

Kaaran ngrogo suksmo

Sing asale ono njero digae ono ing njobo

Sing asale suksmo sandangan rogo

Digae rogo sandangan suksmo

Yen pambuntele mau wus maligi, katone rogo, mung sajatine iku suksmo

mulo rogo hiyo banjur kadunungan doyoing suksmo

wus ora kademen ora kepanasen, ora luwe hiyo ora turu

wus ora loro ora pegel, ora susah hiyo ora bungah

kang koyo mangkono iku amargo rasane poncodriyo wus kaganti dening doyoing suksmo

ngrogo suksmo iku lelakoning suksmo nyandangi rogo

banjur rogone biso muksho, ateges lebur nunggal....

angracut rogo iku anglebur rogo nyandang suksmo

arane olah suksmo, endi suksmone endi doyoe, endi pambuntele...

Suksmo ono tanpo rogo ( titahing urip )

Rogo sirno tanpo suksmo ( mati )

GAMA BUDHI KAWERUH URIP SAJATI

Podo Rahayuo , Sagung Dumadhi

Read More

Kahanane Mongso

GAMA BUDHI KAWERUH URIP SAJATI

Ing Sakjeroning Mongso

Isuk sore rino wengi

Gilir gumanti obah ngiteri

Andeleng mongso paraning pangiro

Kiniro becik jumedhul olo

Rino wengi dijenengi dino dening manungso

Kanggo aniteni lumakuning mongso

Kabeh dino iku podho bae, ora ono dino olo opo dene dino apes lan dino becik, sing njenengi dino iku y manungso, rino wengi ora nyuworo netepno jenenge dewe..umpamane ono wong wolu kelairane seje seje, endi sing olo, misale minggu paing, nanging akeh kelairan ing minggu paing malah dadi wong mulyo, hiyo akeh sing ngalami kabegjan ing dino iku..ujare sing kalah maen iku dino olo, nanging sing menang ngarani iku dino apik..sing kalah ngarani dino apes, dene kanggone sing menang iku dino kabegjan..

Dadi wus cetho, apes begjo, olo becik iku manut uwonge dewe dewe, ora mergo dinoe..dino apes iku ora ono, mung uwonge dewe sing ngapesno awake ing dino iku

Ingkang tuno panggayuhe marang sedyane kurange karep

Ingkang kurang biso kurang ngertine

Ingkang kurang mempeng kurang rikat tumandange

Yoiku sing dadekake lupute

ora salah dinoe nanging salahe uwonge

yen ono sawijine dino apes, amesti kabeh sing linakonan ing dino iku ora dadi, 

kabeh kabeh nemu ciloko nemu olo ing dino iku yo kabeh dumadi kapesan ing dino iku, nanging saknyatane ora mangkono..ugo sewalike, amargo apes olo ciloko becik begjo digowo uwonge dewe dewe ora ing dinoe..

Mulo kbeh dino iku podho bae, ra perlu wedi wedi marang jenenge dino, dene sawenehe dino ora biso ngalang ngalangi kencenge karep..

Uwong golek dino becik iku ora salah, hiyo ora ngarani alaning dino nanging iku ancang ancang, anyiapno uborampe kanggo tekan ing gawene..

SALIRING MONGSO

Ing mongso rino, kahanane padhang, ono sunar cahyoning suryo..ing mongso wengi kahanane petheng, ono sunar cahyoning condro.. iku kbeh kaaran kahananing mongso ing bawono, dadi rupane kahanan jagad urip sadengah dumadi..

Ora kabeh ing mongso rino kepanasen, yo ora kabeh ing mongso wengi kademen..iku gumantung ing uwonge dewe dewe..mulo kabeh mongso iku podho bae, manut marang urip, manut marang sing ngrasakno ( aku klawan ingsun).

GAMA BUDHI KAWERUH URIP SAJATI

Podo Rahayuo , Sagung Dumadhi

Read More